Zefania 1:7 - Mukanda Wa Zambi 1970

⁷ Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

MUKANDA USANDU WA ZAMBI 1975

⁷ Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.

Zefania 1:7 Iomraidhean Croise

Jobe 24:1

Mumu yika Mukwa Ndundo Jeswe kasolo kusa matangwa a kubatwila atu? Mumu yika atu waze akumunyingika keeshi kumona matangwa waze?

Miaso (Masamu) 46:10

Kanambe ngwenyi: “Litwaminenu kubinda, nyingikenu ngwenu, yami nguli Zambi; nakuyula mavungu, nakuyula akwa hashi eswe.”

Izaya 13:3

Mwene Zambi hatambika tujita twenyi a tachi ase jita ya chijila amwese lamba waze haatenukina.

Izaya 13:6

Lilenu mbimbi! Tangwa lia Mwene Zambi hiliakundama, tangwa lize Mwene Zambi Mukwa Ndundo Jeswe makeza ni kwonona.

Izaya 2:12

Ha tangwa lize Mwene Zambi Mukwa Ndundo Jeswe makahombola akwa tachi, ni akwa kulengumuka, ni akwa kulisuta eswe.

Izaya 29:2

mba Mwene Zambi makamwesa lamba limbo lize anavuluka ngwo: “Chilumbilo cha Zambi.” Atu maakalila ni kulishimwoka, limbo heswe mulikalifwa ni chilumbilo chize hichachila cheswe ni manyinga.

Izaya 34:5

Mwene Zambi hanalulika kulu mukwale wenyi mwilu, haliabwila makamwesa Aedome lamba, atu waze hanaabatwila ni kwoonona.

Izaya 34:6

Mukwale wenyi muukabwa ni manyinga ni maji jo ngwe manyinga ni maji a mapanga ni a pembe waze atu akulambula. Mwene Zambi makalambula mulambu uno mu limbo lia Bozra, kushiha chinene muchikabwa mu chifuchi cha Edome.

Izaya 6:5

Yingwamba ngwami: “Lamba liami! Ngunafu! Mumu maliji jami eswe kaali abi, nakutwama mukachi ka atu waze akuhanjika maliji abi wika. Hindu hinamona ni meso jami mwe Mwanangana, Mwene Zambi Mukwa Ndundo Jeswe.”

Jeremia 46:10

Lino lili tangwa lia Mwene Zambi Mukwa Ndundo Jeswe: mba himakala milonga; musono kumamwesa lamba akwa kole jenyi. Mikwale yenyi muyaalia ndoo muyikuta, muyinwa manyinga jo ndoo pwila muyihwa. Musono Mwene Mukwa Ndundo Jeswe kanalambula milambu yenyi, ku lwiji Ufrateze ku norde.

Ezekiel 7:10

Tangwa lia lamba lia Aisraele hilieza. Upupilo hiweza. Kaakulisuta kuhiana.

Ezekiel 7:7

Kuji ni tomo lienu hilianuheta waze nwatwama mu chifuchi chino. Tangwa hiliakundama lize yiwanyino kuyichi kubwa nawa homa ha kukombelela ha milundu, shina chimbangwinya.

Joele 1:15

Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Amose 6:10

Mba muze usoko wa mufu meza ni kwanda mufu wenyi, mahula ngwenyi: “Mutu mukwo ulimo, nyi?” Mutu makumbulula ngwenyi: “Ka!” Neye mamba ngwenyi: “Hola kuluu! Kanyama, kanda uvuluka jina lia Mwene Zambi.”

Amose 8:3

Ha tangwa lize, mapwo waze te akwimba miaso ya chiseke mu zuwo lia mwanangana maakalila mbimbi. Afu maakabwa kweswe. Mukukahola kuluu.”

Habakuke 2:20

Mwene Zambi kali mu zuwo lienyi lia chijila; akwa hashi eswe ahole kuluu ku meso jenyi.

Zefania 1:14

Tangwa linene lia Mwene Zambi hiliakundama, kulineza nikawashi! Mulibwa tangwa Usasu, chibwe tujita a tachi maalila mumu haalekumuka!

Zakaria 14:1

Tangwa lize Mwene Zambi makabatwila atu hiliakundama. Hohene akwa kole maakabuba yuma ya mu Yerusaleme, ni ye yuma maakayiteta ku meso jenu.

Zakaria 2:13

Atu eswe holenu kuluu ku meso ja Mwene Zambi, mumu kanakatuka kuma kwenyi kwa chijila, kaneza.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Mateu 22:4

Mba yatuma tuvumbi akwo ni liji lino ngwenyi: ‘Ambilenu waze nalakenyene ngwenu, haliabwila chiteleka chami hichahia; kuji a ngombe jami ni yimuna ya maji hinaashiha. Yeswe hiyaswa. Tweyenu ku umbachiso!’

A-ROMA 3:19

Tunanyingika ngwetu, yize yeswe Shimbi jinambe, yinahanjikila waze ali mu chiyulo cha Shimbi, hanga usambiso kuuchikatuhuka ku makanwa ja atu, hanga akwa hashi eswe akahie ku meso ja Zambi.

A-ROMA 9:20

Alioze yena iya unalimika ni Zambi? Ndeho ya uma muyihula yoze wayitengele ngwenyi: “Kuchi wangutengele chize,” nyi?

Filipu 4:5

Lwezenu umbovu kuli atu eswe. Mwene Yesu kumeza ha shimbu likepe.

Kolosu 1:12

Sakwililenu ni uwahililo Tata yoze hananuhashisa kubwa ni Chihanda cha chihinga chize Zambi hanafungu mu Wanangana wa Pangu, mumu hali atu jenyi.

1 Samuel 16:5

Iye ngwenyi: “Ewa, nguneza ni kulambula Mwene Zambi mulambu.” Yambila nawa Jese ni ana jenyi a malunga alijilike, yaalakenya aye nenyi ni kulambula mulambu.

1 Samuel 20:26

Alioze Saulu tangwa lize kambile ko nichimwe, mumu yanyonga ngwenyi, kota chimwe Chuma chamuwana, kalijilikile, kashika kejile.