Zefania 1:5 - Mukanda Wa Zambi 1970

⁵ Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

MUKANDA USANDU WA ZAMBI 1975

⁵ waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Zefania 1:5 Iomraidhean Croise

1 Yitanga Ya Mianangana 11:33

Munguchilinga mumu Solomone hanangwehuka, ni kuwayila mazambi a yilambala: Astarte, zambi wa pwo wa akwa limbo lia Sidone, ni Chemoshe, zambi wa pwo wa Amoabe, ni Milkome, zambi ya Aamone. Solomone kakawileko jila yize namulwezele, kalingile ko nikulita ni Shimbi jami ni upatwilo uze namuhele, ngwe chize alingile tato David.

1 Yitanga Ya Mianangana 11:5

Yawayila zambi wa pwo Astarte wa Asidone, ni Milkome, zambi ya Aamone wa chizelwokeso,

1 Yitanga Ya Mianangana 18:21

Eliya yaya ku meso ja atu eswe, yaahula ngwenyi: “Ndoo matangwa angahi munuyambashana? Nyi Mwene Zambi kali Zambi yamwenemwene, muwayilenu!” Nyi Bale mwe zambi yamwenemwene muwayilenu! Alioze atu kaamukumbulwile ko liji nilimwe.

1 MIANANGANA 17:32

Yaatongola atu eka ni eka mukachi ko akabwe mahako waze akulambula milambu ha yilumbilo ya mahamba jo. Yaawayila mazambi jo ene nikulita ni ndako ja akwa chifuchi cho, alioze yaawayila nawa Mwene Zambi.

1 MIANANGANA 17:41

Chenacho atu waze awayilile Mwene Zambi, alioze yawayila nawa mahamba jo. Chize ku tangwa lize ndoo ni musono vungu lio kaakulinga chizechene.

1 MIANANGANA 23:12

Yilumbilo yize mianangana ja Ayuda atungile ha fulumba lia zuwo lia mwanangana Ahaze, mwanangana Josia yayibuzwola, hamwe ni yilumbilo yize atungile mwanangana Manase mu maaze aali a ku zuwo lia Zambi. Yabuzwola ye yilumbilo, yayifwenya ni kuyimbila mu chikulo cha Kidrone.

Izaya 22:1

Jino jili sango ja chikulo cha Usolwelo. Mumu yika atu eswe a mu limbo anawahilila ha mafulumba ja mazuwo?

Izaya 44:5

“Mutu ni mutu kanambe ngwenyi: ‘Nguli wa mbala wa Mwene Zambi.’ Kumaakeza ni kulichinga ni Aisraele. Mutu mweswe makasoneka jina lia Mwene Zambi ha kwoko lienyi ni kulivuluka ngwenyi, nguli umwe wa kuli atu ja Zambi.”

Izaya 45:23

Chilakenyo chami chili chamwenemwene, kuchichi kwalumuka. Nalishingile ngwami: atu eswe maakeza ni kufukama, ni kungulakenya ngwo, mutubwa akwa kushishika.

Izaya 48:1

Banjikenu yenu Aisraele, yenu vungu lia Yuda. Yenu nwakulishinga ni jina lia Mwene Zambi, nwakwamba ngwenu, nwakuwayila Zambi ya Aisraele, alioze mahuza jenu.

Jeremia 12:16

Nyi maakatayiza ndako ja atu jami ni mbunge jo jeswe, ni maakalishinga ngwo: ‘Ni Mwene Zambi,’ ngwe chize abwile ni kulingesa atu jami kulishinga ni jina lia hamba Bale, mba no nawa maakabwa a ku mbunga ya atu jami; kumaakawaha.

Jeremia 19:13

Mazuwo ja Yerusaleme ni ja Ayuda, ni mazuwo eswe haze akwochela yitumbo ya vumba libema ku matongonoshi ni haze akuzujila vinyu ya milambu kuli mazambi eka, ayo eswe kumaakabwa ngwe Tofete.”

Jeremia 32:29

ni kuliocha kahia. Kumaaliocha hamwe ni mazuwo ja waze haanangwihi ha kwochela Bale yuma ya vumba libema ha mafulumba, ni kuzujila vinyu kuli mazambi eka.

Jeremia 4:2

mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

Jeremia 49:1

Mwene Zambi yamba hakutwala kuli Aamone ngwenyi: “Malunga ja Aisraele kuli ali? Kukushi niumwe yoze unahamika kama mumu ha chifuchi cho, nyi? Mumu yika haatayiza atu waze akuwayila zambi Milkome kutambula chifuchi cha vungu lia Gade ni kutwama mo?

Jeremia 5:2

Chibwe nwakulishinga ni jina lia Mwene Zambi, hindu nunalishingi ni mahuza.

Jeremia 5:7

Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Jeremia 7:10

Nwakulinga yuma yize nakuvutwokela. Munubwamuze munwiza ni kumana ku meso jami, mu zuwo liami, nikwamba ngwenu: ‘Tunawaha!’

Jeremia 7:9

Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

Jeremia 8:2

Yifwaha yize keechi kayikunga ni kuyifunda, alioze muyikabwa ngwe pinga. Kumaakayimwanga kulutwe lia tangwa ni kakweji, ni matongonoshi, yuma yino te atu akuzanga kulingila, ni kuyivulwoka ni kuyikombelela.

Hosea 10:2

Atu waze akwete mbunge jaali, haliabwila chaatamba kumona lamba mumu ha shili yo. Zambi kumakabuzwola yilumbilo yo ni mahamba jo.

Hosea 4:15

“Chibwe yenu Aisraele nwakulinga utanji, alioze yenu Ayuda kanda nulinga ngwe ayo. Kanda nuwayila mu membo ja Gilgale ni Betele, chibwe kulishingila ko mu jina lia Mwene Zambi ya mwono.

Amose 5:26

Nwawayililile mahamba jenu a matongonoshi, Sakute ni Kayiwana, tuponya waze nwalilingilile yenwene. Haliabwila chatamba kuya no.

Mateu 6:24

“Mutu niumwe mahasa kulingila miata aali. Mumu mavutwokela umuwika ni mazanga mukwo, hanji malihana kuli umuwika ni malelesa mukwo. Kunwahashile kulingila eswe aali Zambi ni mbongo hamuwika.”

Yilinga 10:9

Muze hikwacha, shimbu te achili mu jila hakamwihi ni Jope, ngwe tangwa ha muchima, Petulu yakanduka ha fulumba lia zuwo mu kulemba.

A-ROMA 14:11

Mumu hichinasonewa mu Mukanda wa Zambi ngwo: “Chamwenemwene ni we mwono wami, eswe maakafukama ku meso jami. Eswe maakatayiza ngwo: ‘Yena uli Zambi,’ Chenacho anambe Mwene Zambi.”

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 4:19

Kanda akanweseka ha kuwayila Chuma chize nunamono mwilu: tangwa hanji kakweji, hanji matongonoshi. Mumu Mwene Zambi, Zambi yenu, hanahana yino yuma yeswe kuli mavungu akwo ha kuyiwayila.

Yoshua 23:7

kunuchi kulichinga ni mavungu waze ali hakachi kenu ni kuvuluka majina ja mazambi jo, chibwe kuuchinga no, kwafukamina ni kwakombelela.