Zefania 1:4 - Mukanda Wa Zambi 1970

⁴ “Mungumwesa lamba akwa Yerusaleme ni Ayuda eswe. Mungunongesa masalila waze akuwayila Bale, kukuchi kubwa nawa umwe yoze mewuluka mahako waze akulingila ku chilumbilo chenyi.

MUKANDA USANDU WA ZAMBI 1975

⁴ Mungukolola kwoko liami kulimika ni Yunda ni kulimika ni akwa Yerusaleme eswe. Mungukateta masalila ja Mbale kuma kwo kuno, ni lie jina lia asasendote ja mahamba,

Zefania 1:4 Iomraidhean Croise

1 MIANANGANA 21:13

Mungukamwesa akwa Yerusaleme lamba ngwe chize yami nalingile ni akwa Samaria, ngwe chize nalingile nawa kuli Ahabe, I mwanangana wa Aisraele ni vungu lienyi. Mungukakusumuna akwa Yerusaleme ngwe chize mutu akukusumuna chenga ni kuchifulumika.

1 MIANANGANA 23:12

Yilumbilo yize mianangana ja Ayuda atungile ha fulumba lia zuwo lia mwanangana Ahaze, mwanangana Josia yayibuzwola, hamwe ni yilumbilo yize atungile mwanangana Manase mu maaze aali a ku zuwo lia Zambi. Yabuzwola ye yilumbilo, yayifwenya ni kuyimbila mu chikulo cha Kidrone.

2 Sango Ja Mianangana 34:4

Nikulita ni liji lienyi atu jenyi yaabuzwola yilumbilo haze te akuwayila zambi Bale, ni yilumbilo haze abwile nikwochela yuma ya vumba libema yize yili hehi ni yilumbilo yikwo. Yaabalwola tuponya twa Ashera ni mahamba eswe akwo, mba yaamwangina yibalubalu ha mafuka ja atu waze te akwalambula milambu.

Kutuhuka 15:12

Hiwolola kwoko lie lia chindume, hashi hihamina akwa kole jetu.

Jeremia 15:6

Yenu hinunangwehuka; hinunangumbu nyima. Ni yami hingunolola kwoko liami nikunufwenya mumu hijinanguhu kunukonekena.

Jeremia 6:12

Mazuwo jo maakaahana kuli atu eka, ni ye minda yo ni e mapwo jo. Akwa chifuchi chino mungukaamwesa lamba.

Ezekiel 25:7

Kashika mungukanukunjika mu moko ja mavungu akwo waze maakabuba yuma yenu ni kunubinjisa. Chenacho mungukanwonona liakulu, kunuchi kabwa nawa vungu hanji kubwa ni chifuchi cha yanwene. Mba munukanyingika ngwenu, yami nguli Mwene Zambi.”

Ezekiel 6:14

Ewa, mungwolola kwoko liami ni kwenyeka chifuchi cho. Munguchipwisa chahululu, chize ku puya ya ku sude ndoo ni ku limbo lia Ribla ku norde, chichi kuhichika homa nihamwe. Mba maanyingika ngwo, yami nguli Mwene Zambi.”

Hosea 10:5

Atu waze atwama mu limbo lia Samaria maakevwa woma, maakalila ha kutoka cha kuji a ngombe wa oru wa ku Betele. Ayo ni e mahako waze akuwayila hamba yoze, maakamulilila mbimbi muze uhenya wenyi wa oru haauchiza.

Mika 5:13

Mungukabalwola tuponya twenu ni manguji a mawe a chijila; kunuchi kakombelela nawa yuma yize nwakulinga yenwene.

Zefania 2:11

Mwene Zambi meevwisa mwongo. Mwene Zambi mapwisa mazambi a hano hashi amokomoko. Mba mavungu eswe maamuwayila, mutu mweswe mu chifuchi chenyi mwene.

Zefania 2:13

Mwene Zambi, ni ndundo jenyi, kumenyeka chifuchi cha Asuria. Limbo lia Ninive kumalibuzula, mulialumuka puya.