Zefania 1:3 - Mukanda Wa Zambi 1970

³ atu, ni tushitu, ni tujila, ni yishi. Mungulimbula yingulungulu. Mungwonona akwa hashi eswe, kuhechi kusala mukwa mwono niumwe. Yami Mwene Zambi nachamba.

MUKANDA USANDU WA ZAMBI 1975

³ Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.

Zefania 1:3 Iomraidhean Croise

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Izaya 27:9

Alioze Aisraele mungwakonekena milonga yo shina muze haachiza mawe a yilumbilo ya mavungu ni kwafwenyafwenya ngwe pemba, ni muze haabuzula yilumbilo ya kwochela yuma ya vumba ni haachiza yizulie ya zambi wa pwo Ashera.

Izaya 6:11

Yinguhula ngwami: “Mwene Zambi, ndoo tangwa lika muchikabwa chino?” Yangukumbulula ngwenyi: “Ndoo membo maakabwa ahululu ni che chifuchi muchikabwa cha woya.

Izaya 6:12

Mungutuma atu kusuku ni yihela muyibwa ya woya mu chifuchi.

Jeremia 12:4

Chifuchi chetu ndoo tangwa lika muchuma? Mwambu wa mu minda yeswe ndoo tangwa lika muukoma? Tushitu ni tujila kaakufwafwa mumu ha ungulungulu wa atu jetu, e atu kaakwamba ngwo: “Zambi kechi kumona yize twakulinga.”

Jeremia 50:3

“Limwe vungu lia ku norde kumeeza ni kwasa jita ni Babilonia kumaalipwisa puya. Atu ni tushitu kumaachina, niumwe kechi kutwama ko.”

Jeremia 7:20

Kashika yami, Mwene Zambi Mukwa Ndundo Jeswe, munguvwila zuwo lino lia kuwayila ufwatulo, ni atu ni yimuna, chibwe mitondo ni ye mbuto. Ufwatulo wami muukabwa ngwe kahia kaze niumwe kahashile kujima.

Jeremia 9:10

Yingwamba ngwami: “Mungunenganyana mumu ha milundu, mungulila mumu ha ulilo wa yimuna, mumu yeswe hiyoma; niumwe wakuhi unendangana mo. Ngombe keeshi kuteta mo nawa, tujila ni tushitu a mu yambu haachina mo.”

Ezekiel 44:12

E ayo te e akukombelela mahamba mumu hali Aisraele, Chenacho ashinjikile Aisraele avulumune. Kashika yami Mwene Zambi ngunalishingi ngwami, mungukaamwesa lamba.

Ezekiel 7:19

Maambila mbila oru ni prata yo mu majila ngwe Chuma cha luchisa. Kuyahashile kwalamwina ku ufwatulo wa Mwene Zambi. Kuyahashile kwakwasa ha kuhwisa zala yo hanji kukuchisa majimo jo. Oru ni prata hiyakokela milonga.

Hosea 14:3

Aasuria kaahashile kutulamwina, tuvwalu a jita kaahashile kutufunga. Hikutuchi kamba nawa ku mahamba ngwetu, kaali mazambi jetu. Aa Mwene Zambi, yena wakuvwila ana a shiwa keke.”

Hosea 14:8

Aisraele keechi kakombelela nawa mahamba; mungukakumbulula ku yilemba yo nikwafunga; mungukabwa kuli ayo ngwe mutondo sedru. Yiwape yo yeswe yakukatuka kuli yami.”

Hosea 4:3

Kashika chifuchi muchikoma chau, ni waze eswe atwama mo kumaakafwa. Tushitu eswe a mu yambu, ni tujila, ni yishi kumaakafwa.”

Zakaria 13:2

Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Mateu 13:41

Mwe Mwana Mutu makatuma tunganda twenyi a mwilu. Enoo maakachiza mu wanangana wenyi eswe waze akuvulumwisa akwo ni waze akulinga yibi.

Mateu 23:39

Ngunanwambulwila ngwami, chize ku tangwa lino, kunuchi kangumona nawa nichimwe, ndoo munukamba ngwenu: ‘Zambi awahise yoze uneza mu jina lia Mwene!’ ”

Usolwelo 2:14

Alioze, chibi chize ngunakumwena chino: kuze ku Chikungulwila chenu amwe atu aliko waze akutayiza longeso lia Balame, yoze walongesele Balake chize mahasa kupiangula Aisraele ha kuvulumuna ni kulia yifwo yize akulambula ku mahamba, ni kulinga utanji.