Zefania 1:2 - Mukanda Wa Zambi 1970

² Mwene Zambi yamba ngwenyi: “Mungwonona yuma yeswe ya hano hashi,

MUKANDA USANDU WA ZAMBI 1975

² Yehova kanambe ngwenyi, Mungukakomba liakulu yuma yeswe hashi.

Zefania 1:2 Iomraidhean Croise

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

2 Sango Ja Mianangana 24:24

Tujita twa Siria te hi anji ko, alioze Mwene Zambi yaatayiza kukumba tujita anji kuhiana twa Yuda, mumu te atu haamwehuka iye Mwene Zambi, Zambi ya tushakulu two. Chenacho amwesene mwanangana Joashe lamba,

2 Sango Ja Mianangana 36:21

Chenacho amanunukine maliji waze Mwene Zambi ambilile mukwa munanyi Jeremia alweze atu, ngwo: “Chifuchi muchisala chahululu miaka makumi shimbiali, ndoo ni kuze tangwa lia uhwimino wacho mulikamanunuka, mumu kaachihichikile ko mu uhwimino.”

Izaya 6:11

Yinguhula ngwami: “Mwene Zambi, ndoo tangwa lika muchikabwa chino?” Yangukumbulula ngwenyi: “Ndoo membo maakabwa ahululu ni che chifuchi muchikabwa cha woya.

Jeremia 34:22

Mungukaaha Shimbi, hanga akahiluke nawa ku limbo lino. No maakasa jita ni e akwa limbo, maakatambula lie limbo ni kuliocha kahia. Membo ja Ayuda mungukaapwisa ngwe puya kuze niumwe kechi katwama ko. Yami Mwene Zambi nachamba.”

Jeremia 36:29

Mba uye ulweze mwanangana ngwe: Yena hiwocha mukanda, hiwahula Jeremia ngwe, mumu yika hiwasoneka ngwe, mwanangana wa Babilonia kumeza ni kwenyeka chifuchi chino ni kushiha atu jamo ni tushitu twamo?

Jeremia 7:20

Kashika yami, Mwene Zambi Mukwa Ndundo Jeswe, munguvwila zuwo lino lia kuwayila ufwatulo, ni atu ni yimuna, chibwe mitondo ni ye mbuto. Ufwatulo wami muukabwa ngwe kahia kaze niumwe kahashile kujima.

Lungungu 2:17

Mwene Zambi hamanununa chize anyongene kulinga: hatunongesa ni keke kama ka, ngwe chize atutowezele kushi. Hatayiza akwa kole kutukumba, heevwisa chiseke ha kulimbuka chetu.

Mika 7:13

Alioze hashi muhakalumuka puya mumu ha ungulungulu wa atu waze atwama ho.