Zefania 1:18 - Mukanda Wa Zambi 1970

¹⁸ Ha tangwa lize Mwene Zambi masolola utenu wenyi, chibwe prata jo jeswe hanji oru kuyichi kwalamwina nichimwe. Zambi monwona akwa hashi eswe ni kahia ka utenu wenyi. Masa songo kuli eswe waze atwama hashi.

MUKANDA USANDU WA ZAMBI 1975

¹⁸ Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 1:18 Iomraidhean Croise

Zefania 3:8

Mwene Zambi kanambe ngwenyi: “Shimbwilenu tangwa lize mungukatuka ni kusuma mavungu. Hinabatula kukungulula mavungu ni mawanangana hanga amone tachi ja ufwatulo wami. Mungwonona hashi heswe ni utenu wami.

Ezekiel 7:19

Maambila mbila oru ni prata yo mu majila ngwe Chuma cha luchisa. Kuyahashile kwalamwina ku ufwatulo wa Mwene Zambi. Kuyahashile kwakwasa ha kuhwisa zala yo hanji kukuchisa majimo jo. Oru ni prata hiyakokela milonga.

Yishima 11:4

Ubite kuwahashile kukukwasa nichimwe ha tangwa lia kufwa, alioze kutuwika cha mbunge muchihasa kulamwina mwono we.

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Zefania 1:15

Mulibwa tangwa lia utenu, lia kubinda ni misongo, lia kwenyeka ni kwonona, lia ufuku ni chifuka, lia milima ni malelwa,

Zefania 1:11

Mba munulila mbimbi, yenu waze nwatwama ku mwanda wa limbo, mumu akwa kulanjisa eswe haafwa.

Ezekiel 16:38

Mungukakuhisa mumu washihile atu ni mumu ha utanji we, mba mu utenu ni ufwatulo wami mungukakushiha.

Jeremia 9:11

Mwene Zambi kanambe ngwenyi: “Mungupwisa Yerusaleme mulumba wakwenyeka, muma mwakutwama mikuza; membo ja Ayuda maalumuka puya, muma muze kumwatwamine atu.”

Jeremia 7:20

Kashika yami, Mwene Zambi Mukwa Ndundo Jeswe, munguvwila zuwo lino lia kuwayila ufwatulo, ni atu ni yimuna, chibwe mitondo ni ye mbuto. Ufwatulo wami muukabwa ngwe kahia kaze niumwe kahashile kujima.

Izaya 1:24

Kashika haliabwila banjikenu chize anambe Mwene Zambi Mukwa Ndundo Jeswe, Zambi ya Ndundo ya Israele. Ngwenyi: “Mungumwesa yenu akwa kole jami lamba, kunuchi kunguchikilika nawa.

Miaso (Masamu) 78:58

Yaamuvwisa ufwatulo ni yilumbilo yo ya mazambi eka, yaamuvwisa ukwa ni tuponya two.

1 Yitanga Ya Mianangana 14:22

Ayuda yaavulumuna Mwene Zambi. Yamuvwisa ufwatulo kuhiana tushakulu two eswe.

Shimbi 31:17

Muze yuma yino muyikabwa, mungukeevwila ufwatulo. Mungukeehuka ni mungukoonona. Lamba linji maakamona, mba maakanyingika ngwo: ‘Yino yeswe yatuwana mumu Mwene Zambi hatwehuka.’

Yishima 18:11

Alioze pichi kaakunyonga ngwo, ubite wo kuwakwafunga kanawa ngwe chipanga chisuku chakukoleka chize chajingilika limbo.

Miaso (Masamu) 79:5

Mwene Zambi, miaka yingahi muutuvwila ufwatulo? Ndoo ku miaka yeswe, nyi? Ufwatulo we muunyongonona ni kulekwoka ngwe kahia, nyi?

Jobe 21:30

Ha tangwa lize Zambi akutenuka ni kumwesa atu lamba, chingulungulu keshi kumona lamba.

1 Korintu 10:22

Hanji tunazange kwihia Mwene ku ukwa, nyi? Nunanyongo ngwenu, tunamuhiana tachi, nyi?

Jeremia 7:34

Che chifuchi muchalumuka puya. Mu membo ja Yuda ni mu majila ja Yerusaleme keechi kevwa mo nawa milolo ya chiseke ni uwahililo ni ngunda ja uwahililo ja umbachiso.

Ezekiel 7:5

Mwene Zambi kanambe ngwenyi: “Lamba muliza nawa ni nawa.

Ezekiel 7:11

Upupilo wakukoka ungulungulu Wahiana. Chuma cho nichimwe muchisala ho, hanji ubite, chibwe ulamba, hanji uhenya.

Ezekiel 23:25

Mumu ngunakuvwila ufwatulo, mungukaatayiza kukubinjisa mu ufwatulo wo. Kumaakakubatula mazulu ni matwi, kumaakashiha ana je. Ewa, kumaakakwata ana je a malunga ni a mapwo ni kwoocha kahia.

Zefania 2:2

shimbu kanda nuuma ni kulekama ngwe yitemo, shimbu kahia ka ufwatulo wa Mwene Zambi kanda kachikundama, shimbu kanda achisolola utenu wenyi.

Jobe 3:15

Kachi nabombele hamwe ni ana ja mianangana waze abichile oru, waze azalishile mazuwo jo ni prata,

Izaya 10:3

Yika munulinga muze Mwene Zambi makanumwesa lamba? Yika munulinga muze makanukokela lamba lia ku chifuchi kusuku? Kuli iya munukachinyina anukwase? Kulihi munukasweka ubite wenu?

Izaya 10:17

Zambi, ndeya ya Aisraele, malumuka kahia. Zambi munangi wa Aisraele malumuka mulengi wa kahia uze muwocha yuma yeswe, chibwe mingonga ni mikalale ha tangwa limuwika.