Zefania 1:16 - Mukanda Wa Zambi 1970

¹⁶ lia zungo lia yitavwi ya jita ni kukololoka cha tujita, ni kulwa membo akukoleka ni mazuwo asuku asuku.

MUKANDA USANDU WA ZAMBI 1975

¹⁶ tangwa lia liji lia chitavwi ni kukalumioka cha jita kulimika ni yihunda ya kukolesa; cha kulimika ni yipanga-ya-mawe yisuku.

Zefania 1:16 Iomraidhean Croise

Izaya 27:13

Ha tangwa lize maakahumuna chitavwi ni kutambika Aisraele eswe waze ali mu undungo mu Asuria ni mu Egiptu. Kumaakeza ni kuwayila Mwene Zambi mu Yerusaleme, ha mulundu wa chijila.

Izaya 32:14

Chibwe zuwo lia wanangana mulikabwa liahululu. Mazuwo ni yipanga yize te yakulifunga muyikabuzuka; keechi kayitunga nawa ndoo ku miaka yeswe. Mukukabwa kuma kwa yimbulu a mu yambu ni ulilo wa yimuna ya ha chihunda.

Izaya 59:10

Twakutalinga ngwe tuli tupuputa. Chibwe tangwa ha muchima twakutalinga ngwe ufuku uliko, ngwe tuli mu milima muma lia afu.

Jeremia 6:1

Yenu vungu lia Benjamine, Chinenu hanga nulilamwine! tuhukenu mu Yerusaleme! Humunenu chitavwi mu chihunda cha Tekoa, Senu chimwe chinyingi cha kahia mu chihunda cha Bete Hakereme. Lamba ni kwonona kuyinakatuka ku norde.

Jeremia 8:16

Akwa kole jetu haanjila kulu mu limbo lia Dane; tunevu kubwoza cha tuvwalu two. Chifuchi cheswe chinachikima muze anevu kukangwoka cha tuvwalu two. Akwa kole jetu heeza ni kwonona chifuchi chetu ni yuma yamo yeswe, ni limbo lietu ni e atu jamo eswe.”

Ezekiel 7:7

Kuji ni tomo lienu hilianuheta waze nwatwama mu chifuchi chino. Tangwa hiliakundama lize yiwanyino kuyichi kubwa nawa homa ha kukombelela ha milundu, shina chimbangwinya.

Hosea 5:8

Humunenu yitavwi ya jita mu limbo lia Gibea! Imbenu ha kukanyamisa akwa Rama! Twenu milolo ya jita ku Betele! Malunga ja Benjamine tuyenu mu jita.

Hosea 8:1

Mwene Zambi ngwenyi: “Humunenu chitavwi! Akwa kole kaanahulumuka ha chifuchi chami ngwe tela! Atu jami haashiha Usendo uze nakolesele no, haanakolema Shimbi jami.

Joele 2:1

Humunenu chitavwi, twenu milolo ha Zione, mulundu wa chijila cha Zambi, mumu ha lamba lize mulikeza. Yenu Ayuda Chikimenu! Tangwa lia Mwene Zambi mulikeza susumuku.

Amose 3:6

Muze meemba chitavwi cha jita mu limbo, atu keechi kwivwa woma, nyi? Chuma chikalu muchinjila mu limbo nyi Zambi kachitumine, nyi?

Habakuke 3:6

Muze anamana, hashi muhanyika; muze anatale, mavungu maachikima. Milundu ya miaka yeswe yinabuzuka, mindundena ya mutolo yinashikiwa, mindundena haze te akwendela ku shakulu.

Shimbi 28:52

Maakaseleka membo jenu eswe mu chifuchi chize Mwene Zambi, Zambi yenu, ananwehe. Yipanga yisuku, yakukoleka, yize nwakujikijila, muyikalimbuka.

Yoshua 6:20

Chenacho mahako embile yitavwi. Ha shimbu lize malunga achivwile, yaakololoka; chipanga yichibuzuka. Mba tujita eswe yalipupwisa ni kunjila mu limbo ni kulikumba.