Zefania 1:13 - Mukanda Wa Zambi 1970

¹³ Yikumba yo kumaayibuba ni kubuzula mazuwo jo. Keechi kutwama nichimwe mu mazuwo waze akutunga hanji kunwa vinyu ya ku mitondo yize atumbile.”

MUKANDA USANDU WA ZAMBI 1975

¹³ Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.

Zefania 1:13 Iomraidhean Croise

Izaya 6:11

Yinguhula ngwami: “Mwene Zambi, ndoo tangwa lika muchikabwa chino?” Yangukumbulula ngwenyi: “Ndoo membo maakabwa ahululu ni che chifuchi muchikabwa cha woya.

Jeremia 15:13

Mwene Zambi yangwamba ngwenyi: “Mungutuma akwa kole abube ubite ni yikumba ya atu jami ni kwamwesa lamba mumu ha milonga yize nwavulumwine mu chifuchi.

Jeremia 17:3

ni ha milundu ya mu chana. Mungushinjika akwa kole jenu akabube yikumba yenu ni ubite wenu weswe mumu ha milonga yeswe yize hinwalinga mu chifuchi cheswe.

Jeremia 4:20

Lamba linakaula lamba ni likwo; chifuchi cheswe haachenyeka. Susumuku heenyeka mazuwo jetu akutunga ni makubu; haatanwona yikalakala yo.

Jeremia 4:7

Ngwe tambwe yoze unakatuka mu chivwenge chenyi, mukwa kwonona mavungu hakatuka. Kaneza ni kwonona Yuda. Membo ja Yuda kumaakenyeka, kukuchi katwama niumwe.

Jeremia 5:17

Kumaakalia mbuto jenu ni yakulia yenu; kumaakashiha ana jenu a malunga ni a mapwo; maakashiha yimuna yenu ni kupakwola mitondo yenu ya vinyu ni mikuyu. Kumaakabuba membo jenu akukoleka hali waze nwakujikijila.

Jeremia 9:11

Mwene Zambi kanambe ngwenyi: “Mungupwisa Yerusaleme mulumba wakwenyeka, muma mwakutwama mikuza; membo ja Ayuda maalumuka puya, muma muze kumwatwamine atu.”

Jeremia 9:19

Banjikenu liji lia mbimbi mu Zione ngwo: “Kutwanonga! Sonyi hijatukwata! Chatutamba kukatuka mu chifuchi chetu; haabuzwola mazuwo jetu.”

Lungungu 5:2

Chihinga chetu hichabwa mu moko ja yilambala; mavungu akwo haatwama mu mazuwo jetu.

Ezekiel 22:31

Kashika mungweevwila ufwatulo unji ni kwoonona mu utenu wami, mumu ha chize akulinga.” Mwene Zambi wachamba.

Ezekiel 7:19

Maambila mbila oru ni prata yo mu majila ngwe Chuma cha luchisa. Kuyahashile kwalamwina ku ufwatulo wa Mwene Zambi. Kuyahashile kwakwasa ha kuhwisa zala yo hanji kukuchisa majimo jo. Oru ni prata hiyakokela milonga.

Ezekiel 7:21

Mwene Zambi kanambe ngwenyi: “Mungutayiza yilambala kububa yuma yo ni yitanguke kwiya ubite wo ni kuubihisa.

Ezekiel 7:24

Munguneha mavungu abi kuhiana hanga azuke mazuwo jenu. Atu jenu a tachi kuhiana maalekumuka muze mungutayiza mavungu kuchisa homa lio lia kuwayila.

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Mika 3:12

Zione kumaamulima ngwe minda mumu hali yenu. Yerusaleme kumabwa mulumba wa kwenyeka. Mulundu wa zuwo lia Zambi kumuwalumuka usaki.

Mika 6:15

Munukakuwa mbuto, alioze kunuchi kabatula mihuko yayo. Munukama maji a olive, alioze kunuchi kayuka no. Munukakama vinyu, alioze kunuchi kayinwa nichimwe.

Zefania 1:9

Mungumwesa lamba eswe waze akuwayila mahamba, ni waze akushiha atu ha kuzalisa mazuwo jo ni yuma ya kububa.”

Shimbi 28:30

“Munukatenda mwana pwo, alioze maakamumbata kuli lunga weka. Munukatunga zuwo, alioze mutu weka makatwama mo. Munukalima munda wa vinyu, alioze kunuchi kalia vinyu yawo nichimwe.

Shimbi 28:39

Munukalima minda ya vinyu ni kuyifunga, alioze kunuchi kahela mo vinyu chibwe kuyinwa mumu tututu maakayilia.

Shimbi 28:51

Kumaakalia ngombe jenu ni mbuto yenu, ndoo munukafwa ni zala. Keechi kahichika mbuto niyimwe, chibwe vinyu, hanji maji a olive, chibwe ngombe, hanji mapanga; ni yenu nawa munukafwa.