Zefania 1:12 - Mukanda Wa Zambi 1970

¹² “Ha tangwa lize mungwiza ni ndeya ni kubolongoza mu Yerusaleme. Mungumwesa lamba waze atwama mu uhwimino, waze akwamba ngwo: ‘Mwene Zambi kechi kulinga nichimwe, chibwe chibi chibwe chibema.’

MUKANDA USANDU WA ZAMBI 1975

¹² Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Zefania 1:12 Iomraidhean Croise

Jobe 21:15

Kaakunyonga ngwo, kulingila Zambi chili chamokomoko, chibwe kumuwayila.

Miaso (Masamu) 10:4

Chingulungulu keshi kufupa Zambi; mu kulengumuka chenyi kakulelesa Zambi.

Miaso (Masamu) 14:1

Yihepuke kaakwamba ngwo: “Zambi keshiko!” Ayo eswe haanabiha, eswe haanalingi yibi yahiana wakuhi yoze wakulinga yibema.

Miaso (Masamu) 94:7

Kaakwamba ngwo: “Mwene Zambi keshi kutumona, Zambi ya Aisraele keshi kuchalula!”

Izaya 5:19

Nwakwamba ngwenu: “Mwene Zambi atambuke alinge chize anazange, hanga tuchimone. Zambi Munangi wa Aisraele alinge chize ananyongo; tumone manyonga jenyi.”

Jeremia 10:5

Mahamba ngwe wano kaali ngwe yuma yize akuzezejeka mu munda, ha kuhanga tujila. Keeshi kuhasa kuhanjika, chatamba kwambata mumu keeshi kuhasa kwenda. Kanda nweevwila woma, mumu kaahashile kukulinga nichimwe, chibwe kuhasa kukulingila Chuma chibema.”

Jeremia 48:11

Mwene Zambi yamba ngwenyi: “Moabe matangwa eswe kakutwama ni uhwimino, kanda achimutwala kama mu undungo. Moabe kali ngwe vinyu yize keshi kusunga ni kuyilongalonga mu milondo. Kuyema chenyi kuchalumukine, kuchasamukine nichimwe.

Ezekiel 8:12

Zambi yanguhula ngwenyi: “Mwana mutu, unamono chize miata ja Aisraele analingi ku tenga, nyi? Ayo eswe kaanakombelela mu chibatulo chize chinazala ni tuponya. Kaanambe ngwo: ‘Mwene Zambi katumwene! Hehuka chifuchi.’ ”

Ezekiel 9:4

“Yako mu limbo lieswe lia Yerusaleme, ufunjike ha mahina ja eswe waze akunenganyana ni kulibikala mumu ha yuma yeswe ya kuzelwokesa yize atu akulinga mu limbo.”

Ezekiel 9:9

Zambi ngwenyi: “Aisraele ni Ayuda haanalingi ungulungulu Wahiana. Haanashihi atu mu chifuchi cheswe ni haanalingi ni uhenge Wahiana mu Yerusaleme. Kaanambe ngwo, yami Mwene Zambi hinehuka chifuchi cho, chisolo kwamona.

Amose 6:1

Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Obadia 1:6

Yenu vungu lia Esau, ubite wenu weswe haaububa.

Malaki 2:17

Hinwahongesa Mwene Zambi ni maliji jenu. Alioze nwakuhula ngwenu: “Ngwe kuchi hitwamuhongesa?” Ngwami muze nwakwamba ngwenu: “Mwene Zambi Mukwa Ndundo Jeswe kakunyonga ngwenyi, yitanganyanyi eswe kaali abema; ni mwene kakwazanga.” Hanji muze nwakuhula ngwenu: “Zambi yoze wakubatula ni ululi kuli ali?”

2 Petulu 3:4

Maakamba ngwo: “Mwene Yesu hanalakenya ngwenyi: ‘Makeza,’ nyi? Yolihi mba? Tushakulu twetu haanafu kulu, alioze yuma yeswe yili chizechene, chize kuze Zambi atangile yuma yeswe ndoo musono!”

Usolwelo 2:23

Mungukashiha nawa ana jenyi. Mba Yikungulwila yeswe maakanyingika ngwo, nguli yoze wakunyingika manyonga ja atu ni upale wo. Mungukahana kuli mutu mweswe nikulita ni yitanga yenyi yize alingile.