Zefania 1:11 - Mukanda Wa Zambi 1970

¹¹ Mba munulila mbimbi, yenu waze nwatwama ku mwanda wa limbo, mumu akwa kulanjisa eswe haafwa.

MUKANDA USANDU WA ZAMBI 1975

¹¹ Lilenu mbimbi enu nwatwama ku Makateshi, mumu akwa kusepa hahwako, waze eswe akupezalisa prata haatetako.

Zefania 1:11 Iomraidhean Croise

Jobe 27:16

Chibwe maalumbika mbongo ngwe fufuta, ni mahina anji ngwe milumba ya mavu,

Jobe 27:17

alioze umwe lunga mubema mazala mahina waze, umwe mukwa ululi matambula mbongo jize.

Jeremia 25:34

Yenu miata, yenu tufunga twa atu jami, kololokenu, lilenu mbimbi! Lilenu nikulilangumuna mu fufuta. Tangwa lia kunushiha hiliakundama, maakanushiha ngwe makuji a panga.

Jeremia 4:8

Kashika zalenu mianji, nulile mbimbi, mumu ufwatulo wa Mwene Zambi kanda uhwa hali Ayuda.

Ezekiel 21:12

Mwana mutu yeka mbimbi, mukwale uno muulimika ni atu jami ni miata eswe ja Israele. Kumaashiha ni e masalila ja atu jami. Lilambenu ha tulo ni chinyengo!

Hosea 9:6

Muze lamba mulikeza atu maakamwangashana. Maakakunga kuli akwa Egiptu, maakunga hanga aafunde ku limbo lia Memfise! Ubite wo wa prata ni mazuwo jo muyikatanda ni mwambu ubi ni mingonga.

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 1:5

Yenu akwa kuzengewa, laulenu nulile; lilenu mbimbi yenu akwa kunwa vinyu; yichakata yaha ya vinyu haayenyeka.

Zefania 2:5

Yenu akwa chifuchi cha Filistia, lamba lienu, yenu waze nwatwama ku mbumbulu ya kalunga lwiji. Mwene Zambi hanubatwila, kumanunongesa, kukuchi kusala niumwe.

Zakaria 14:21

Ndeho (yimbia) jeswe mu Yerusaleme ni mu Yuda mujikabwa ja chijila hanga awayile najo Mwene Zambi Mukwa Ndundo Jeswe. Atu waze akulambula milambu, maakayitambwola ha kuteleka mo yifwo ya milambu. Muze tangwa lize hilieza, kukuchi kabwa nawa umwe mukwa kulanjisa mu zuwo lia Mwene Zambi Mukwa Ndundo Jeswe.

Yoano 2:16

yambila waze te analanjisa membe ngwenyi: “Twalenu yuma yino haze. Kanda nupwisa zuwo lia Tata ngwe chitanda!”

Tiangu (Jake) 5:1

Haliabwila achivwenu yenu pichi, lilenu, bwozonokenu ha lamba lize mulikeza hali yenu.