Yuda 1:9 - Mukanda Wa Zambi 1970

⁹ Chibwe Mikele, kanganda wa lutwe wa mwilu, muze alihamikine ni Sakwonga hakutwala ku mujimba wa Mose, kahamukine ko kumushililika, alioze yamba ngwenyi: “Mwene Zambi akukande!”

MUKANDA USANDU WA ZAMBI 1975

⁹ Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.

Yuda 1:9 Iomraidhean Croise

1 Sango Ja Mianangana 12:17

David yaya ni kwabatwiza, yaamba ngwenyi: “Nyi nuneza kuli yetu ngwe masepa ni kutukwasa, tweyenu kanawa hanga tulichinge! Alioze nyi nuneza hanga nungukunjike kuli akwa kole jami, chibwe chanulingile chibi nichimwe, Zambi ya tushakulu twetu machinyingika, ni maanumwesa lamba.”

Kutuhuka 22:28

“Kanda ukalelesa Zambi ye, chibwe kanda ukatuka makulwana je.

Daniel 10:13

Mwe kanganda ka mwilu, kafunga ka wanangana wa Persia, yalimika ni yami matangwa makumi aali ni limuwika. Mba Mikele, mukwa lutwe wa tunganda twa mwilu, yeza ni kungukwasa, mumu nasalile ukawami mu Persia.

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Zakaria 3:2

Mwe kanganda ka Mwene Zambi, yambila Sakwonga ngwenyi: “Sakwonga, Mwene Zambi akukande! Mwene Zambi yoze wakuzanga Yerusaleme akukande. Mumu mutu yono kali ngwe mutondo uze haachangumuna mu kahia.”

Marku 15:29

Atu waze abaliekele kuze yaalihunga mitwe nikumuchoka ngwo: “Ehee! Yena wazangile kwonona zuwo lia Zambi ni kulitunga nawa ha matangwa atatu!

Shimbi 34:6

Mba Mwene Zambi yamufunda mu chikulo cha Moabe, talanganyi ni limbo lia Betepeore, alioze ndoo ni musono niumwe wanyingika fuka lienyi.

1 Tesalonika 4:16

Mumu Mwene Yesu iye mwene makahulumuka ni kukololoka ni liji lia Shimbi, ni liji lia kanganda ka mwilu wa lutwe, ni liji lia chitavwi cha Zambi. Mba waze afwile kulu, te afuliela Yesu, maakalianga kuhinduka.

1 Petulu 3:9

Nyi mutu hakulinga chibi, yena kanda umuhilwisa chibi. Nyi mutu hakushililika, yena kanda umushililika nawa. Shinoho muwahise, mumu muze Zambi anutambikile, yanulakenya ngwenyi, makanuwahisa.

2 Petulu 2:11

Chibwe tunganda a mwilu, waze anahiana alongeshi a kwonga mu tachi ni ndundo, keeshi kusuma ni kuchoka akwa uhenya ku meso ja Zambi.

Usolwelo 12:7

Hohene mwabwile jita mwilu! Mba Mikele ni tunganda twenyi yaasa jita ni ngongo munene, dragau, neye yasa no jita.