Yuda 1:3 - Mukanda Wa Zambi 1970

³ Akwetu, nasele tachi kuhiana kunusonekena hakutwala ku ulamwino uze atulamwinyine yetu eswe. Alioze haliabwila ngunamono ngwe chinalite kunusonekena ha kunutakamisa mu kulitachika chikolo ha ufulielo uze Zambi atuhele yetu akwa Kristu chisuho chimuwika ha miaka yeswe.

MUKANDA USANDU WA ZAMBI 1975

³ Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

Yuda 1:3 Iomraidhean Croise

Nehemia 13:25

Yingubajila malunga waze, yingwashinga, yingwalamba, yingwakamba kambu, yingwashingisa ni jina lia Zambi ngwami: “Kutuchi kuhangisa ana jetu a mapwo kuli ana jo, chibwe kumbachila ana jetu a malunga ana jo a mapwo.”

Izaya 45:17

Alioze Israele hanamulamwina kuli Mwene Zambi, kukumba chenyi muchikabwa ndoo ku miaka yeswe; atu jenyi keechi kevwa nawa sonyi nichimwe.’ ”

Izaya 45:22

“Hilukenu kuli yami nulilamwine, yenu akwa hashi heswe! Yami mwe Zambi wika.

Jeremia 9:3

Kaakuzanga kuhanjika mahuza matangwa eswe, kaakuyula chifuchi ni uhenge, hi ni umwenemwene ko. Mwene Zambi kanambe ngwenyi: “Atu jami kaakuwezela yibi ha yikwo, keeshi kutayiza ngwo, nguli Mwene Zambi yo.”

Yilinga 17:3

yaalumbunwina pundu nikwalweza ngwenyi, Kristu chamutamba kumona lamba ni kuhinduka ku kufwa. Ngwenyi: “Yono Yesu, yoze ngunanwambulwila, mwe Chilamwina yoze Zambi alakenyene.”

Yilinga 18:28

Mumu yakununa Ayuda ni tachi ku meso ja atu eswe. Yaalongesa ni ku shindakenya ku Mukanda wa Zambi ngwenyi: “Yesu mwe Chilamwina yoze Zambi alakenyene.”

Yilinga 20:27

Mumu chalitunyine kunwambulwila upale weswe wa Zambi.

Yilinga 28:28

Paulu yawezela maliji ngwenyi: “Nyingikenu ngwenu, liji lia ulamwino hilinatumiwa kuli waze hi Ayuda ko. No maakalivwa.” (

Yilinga 4:12

Kukushi ulamwino muli mukwo niumwe, mumu Zambi kahanyine ko jina lia mutu mukwo kuli atu hano hashi lize mutuhasa kulilamwina nalio.”

Yilinga 6:7

Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.

Yilinga 9:13

Anania ngwenyi: “Aa Mwene! Anji haanangwambulwila hakutwala kuli lunga yoze. Haanangulweza yibi yeswe yize hanalingi kuli atu je a mu Yerusaleme.

Yilinga 9:22

Hindu Saulu yahiana tachi mu kwambujola chenyi, yakomwesa Ayuda waze te atwama mu Damasku. No kaahashile ko kumukumbulula muze waalumbununwine ngwenyi: “Yesu mwe Chilamwina yoze Zambi alakenyene.”

1 Korintu 15:3

Sango jize yami natambwile, jenajo nawa nanulongesele. Sango jino ngwami, Yesu hanafwila milonga yetu ngwe chize hichinasonewa mu Mukanda wa Zambi.

Galashia 2:5

Kutwaatayijile ko, chibwe ha shimbu limwe likepe, hanga tukafunge umwenemwene wa Sango Jibema hali yenu.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Galashia 6:11

Talenu sona jinene jibwa haha ngunasoneka haliabwila ni kwoko lia yami mwene!

Efesu 1:1

Yami Paulu ngunanusonekena yenu akwa Kristu waze nwatwama mu limbo lia Efesu, akwa kushishika mu kuliendela chenu ni Kristu Yesu. Ku upale wa Zambi nguli kanganda ka Kristu Yesu.

Shimbi 21:9

Chenacho, ha kulinga chize Mwene Zambi anazange, kunuchi kubwa ni mulonga ha ungalwe uze.”

Shimbi 9:10

Mwene Zambi yangwaha mawe aali haze asonekene ni kwoko lienyi mwene maliji waze ahanjikile kuli yenu mu kahia ha tangwa lize nwakungulukile kwe ku mulundu.

Filipu 1:1

Yami Paulu ni Timoteu, tuvumbi twa Kristu Yesu, tunanusonekena yenu akwa Kristu eswe waze nwatwama mu limbo lia Filipu, waze nwafuliela Kristu Yesu hamwe ni tulayi twa Chikungulwila ni tuvumbi.

Filipu 1:27

Chuma chimuwika, talenu kanawa hanga ndako jenu jilite ni sango ja Kristu, hanga, chibwe mungunuheta ni kunumona hanji chishiko, ngukevwe ngwo, nunamana nguu ni kunyonga chi muwika ni kulitachika hamuwika ni mbunge yimuwika hakutwala ku ufulielo wa Sango Jibema.

Kolosu 1:2

tunanusonekena, yenu akwa kufuliela waze nwatwama mu limbo lia Kolosu, akwetu amwenemwene mu kulinunga ni Kristu. Zambi Tata yetu anulweze utu, anwehe uhwimino.

1 Tesalonika 2:2

Nunanyingika chize atuhungumionene kulu ku Filipu muze te kanda tuchinuheta. Alioze Zambi yatutakamisa ha kunwambujolela Sango jenyi Jibema, chibwe kuhamika chabwile chinji.

1 Timoteu 1:18

Mwanami Timoteu, ngunakwehe Shimbi yino. Yinalifu ni maliji waze ahanjikile akwa munanyi a Zambi hakutwala kuli yena. Maliji waze abwe ngwe uta wa kwasa nawo jita yibema.

1 Timoteu 6:12

Nyongonona mu kulitachika chibema cha ufulielo, utambule mwono wa miaka yeswe, mumu Zambi wakutambikile hanga ubwe ni mwono uze, muze yena watayijile ufulielo we ku meso ja yela anji.

2 Timoteu 1:13

Imbulula yikuma yamwenemwene yize nalongesele. Jikiza mu ufulielo ni zango lize tuli nalio mu kulinunga ni Kristu.

Hebreu 13:22

Akwetu, ngunaliumbu kuli yenu ngwami, banjikenu kanawa maliji wano akutakamisa. Mumu chasonekene yuma yinji.

Hebreu 6:9

Alioze akwetu, chibwe tunahanjika chocho, hindu tunanufuliela. Tunanyingika ngwetu, nuli ni yiwape yize yinahiana ya ulamwino wenu.

1 Petulu 5:12

Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.

2 Petulu 1:1

Yami Simone Petulu, kavumbi ka Yesu Kristu kanda kanganda kenyi. Ngunanusonekena yenu waze hinunatayiza ufulielo ulemu ngwe uze wa yetu. Hinunautayiza ku ululi wa Zambi yetu ni Chilamwina Yesu Kristu.

2 Petulu 2:21

Te chibema kachi kaanyingikine jila ya ululi, alioze hi chibema ko kuyinyingika hatangu mba kwehuka nawa Shimbi ja kulinanga jize aalongesele.

Yuda 1:1

Yami Yuda, kavumbi ka Yesu Kristu, kanda mwanakwo ya Tiangu (Jake). Ngunanumeneka, yenu waze Tata Zambi atongwele ni akuzanga, waze Yesu Kristu akufunga.

Yuda 1:17

Alioze yenu akwetu iwulukenu maliji waze ahanjikile tunganda twa Mwene wetu Yesu Kristu hatangu.

Yuda 1:20

Alioze yenu, akwetu, takamenu mu ufulielo wenu wa kulinanga, lembenu ni tachi ja Mwiku wa Linanga,

Usolwelo 12:11

Akwetu yaamukumba, mumu ha manyinga ja Mwana Panga, ni mumu ha liji lia shindakenyo yo. Yaatayiza kukunjika mwono wo ku kufwa.

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.