Yuda 1:23 - Mukanda Wa Zambi 1970

²³ Achangumunenu ku kahia ha kwalamwina. Ni akwo evwilenu keke nawa, hamwe ni woma. Alioze chanutamba kubihilila mahina jo a luchiza, mahina jo waze haanalichisa ni usolo wo ubi.

MUKANDA USANDU WA ZAMBI 1975

²³ ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.

Yuda 1:23 Iomraidhean Croise

Yishima 7:8

Te kanabalika mu jila hehi ni konda kuze te anatwama umwe pwo. Yabalikila hehi ni zuwo lia mwe pwo

Izaya 64:6

Yetu eswe hitwabwa yivulumunyi; yitanga yetu yeswe ya ululi yilimalima a luchisa. Mumu ha milonga yetu tuli ngwe mafwo omu waze akuhehuka ni fuji.

Lungungu 4:14

Akwa lutwe yeendangana mu majila ngwe tupuputa; haanalibihisa kuhiana ni manyinga. Kashika niumwe kazangile kwakwata nawa ku mahina.

Alevi 14:47

Mweswawo makabomba mo hanji makanjila mo chamutamba kukosa mahina jenyi.

Alevi 15:17

Homa heswe haze hamwanganyina ana, ha hina hanji ha lambu, chatamba kuyikosa, muyibwa ya luchisa ndoo ku chingoloshi.

Amose 4:11

“Nashihile amwe hakachi kenu ngwe chize nashihile atu a mu membo a Sodome ni Gomora. Yenu waze nwasalile nwabwile ngwe lukunyi yoze anachangumuna mu mbwemena ya kahia. Hindu kunwahilukile ko kuli yami.

A-ROMA 11:14

Tangwa likwo munguhasa kwihia ni ukwa atu a ku vungu liami, ha kulamwina amwe hakachi ko.

1 Korintu 15:33

Atu kanda anwonga: “Masepa abi kaakubihisa ndako yibema.”

1 Korintu 3:15

Alioze, nyi milimo ya umwe muyiwema yeswe upu, mutu yoze kechi katambula nichimwe. Alioze iye mwene Zambi makamulamwina ngwe yoze watuhuka mu kahia, wachina.

2 Korintu 5:11

Tunanyingika chize chatutamba kwivwila Mwene Zambi woma. Kashika tuneseka kulongesa atu. Zambi kanatunyingika kanawa, ni ngunafuliela ngwami, mu mbunge jenu nunangunyingika nawa.

2 A-TESALONIKA 3:14

Nyi umwe keshi kwononokena longeso lize tunanwehe lia mukanda uno, musenu chinyingi, ni kanda nuliendela nenyi nichimwe hanga evwe sonyi.

1 Timoteu 4:16

Kanyama yena mwene ni longeso lie. Nyongonona mu yuma yize yeswe, mumu nyi walinga chocho muukalilamwina yena mwene ni eswe waze akukwivwa.

2 Yoano 1:11

Mumu mweswawo machilinga malinunga nenyi ha yitanga yenyi yibi.

Yuda 1:22

Evwilenu keke akwa kuyambashana.

Usolwelo 3:18

Kashika, ngunakukanyamisa ngwami, Ulande kuli yami oru yize hanayisayisa mu kahia, hanga ubwe pichi. Ulande mahina atoma hanga Uzale. Chenacho kuuchi kwivwa sonyi. Ulande yitumbo ya kukwita ha meso je, hanga uhase kumona.

Usolwelo 3:4

Alioze muze mu Chikungulwila chenu cha mu Sardu atu akwo alimo waze kaabihishile mahina jo. Enoo maakenda hamwe ni yami, maakazala mahina atoma, mumu kaanatela.