Yuda 1:21 - Mukanda Wa Zambi 1970

²¹ Lifungenu mu zango lia Zambi muze nunashimbwila Mwene wetu Yesu Kristu, yoze manupwisa ni mwono wa miaka yeswe ku keke yenyi.

MUKANDA USANDU WA ZAMBI 1975

²¹ Lifungenu mu zango lia Zambi, nikutalatala keke ya Mwene wetu Yesu Kristu ndo ku mwono wa mutolo.

Yuda 1:21 Iomraidhean Croise

Jobe 14:14

Alioze nyi mutu mafwa, kumahinduka nawa, nyi? Ha matangwa jami eswe a kuhondangana chami mungukasa ko mbunge ndoo ku kutusuka chami.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Yoano 14:21

“Yoze wakufunga Shimbi jami ni wakujononokena, mwenawo wakunguzanga. Tata mazanga yoze wakunguzanga, ni yami nawa mungumuzanga ni mungulisolola kuli iye.”

Yilinga 11:23

Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

A-ROMA 5:21

Hatangu shili yayulile atu, Kashika atu afwile. Haliabwila, utu wa Zambi wakutuyula ni kutupwisa akwa ululi. Kashika tuli ni mwono wa miaka yeswe ha kulinunga ni Yesu Kristu, Mwene wetu.

A-ROMA 5:5

Kusa mbunge chino kuchishi kutukolesa sonyi, mumu Zambi hanazukwila zango lienyi mu mbunge jetu ni tachi ja Mwiku wa Linanga, uze atuhele.

A-ROMA 6:23

Mumu fweto yize akuhana shili yili kufwa. Alioze chawana chize akuhana Zambi mu utu wenyi, mwono wa miaka yeswe ha kulinunga ni Yesu Kristu, Mwene wetu.

A-ROMA 8:39

chibwe tachi ja mwilu, chibwe tachi ja hashi, hanji Chuma chikwo chize atangile. Nichimwe muchihasa kutuhandununa ku zango lize Zambi hanatulweze muli Kristu Yesu, Mwene wetu.

2 A-TESALONIKA 3:5

Mwene Zambi atondekeze kama mbunge jenu ku zango lienyi ni ku uhumikizo wa Kristu.

2 Timoteu 1:16

Mwene Yesu alweze keke akwa zuwo lia Oneseforu, mumu hananguwahisa yisuho yinji. Kevwile ko sonyi chibwe nguli mu zuwo lia lamba.

2 Timoteu 1:18

Mwene Yesu amuvwile keke ha Tangwa lize! Unanyingika kanawa milimo yeswe yize angukwashile muze nabwile mu Efesu.

2 Timoteu 4:8

Haliabwila hangutulikila chawana chize chinalweze ngwo, hinakumba. Chawana chize chili chipangula cha ululi chize Mwene, Ngaji yamwenemwene, makangwaha ha tangwa lize. Kechi kangwaha cho ukawami, alioze ni waze eswe akuzanga kusoloka chenyi.

Hebreu 9:28

Chimuwika nawa, Kristu yalihana mulambu chisuho chimuwika ha kuchiza shili ya atu anji. Makasoloka kuli atu chisuho cha muchaali, hi kuchiza shili ya atu ko, alioze ha kulamwina waze akumushimbwila.

1 Yoano 4:16

Yetu tunanyingika ni twakujikijila ha Chuma chino ngwetu, Zambi kakutuzanga. Zambi kali mukwa zango. Mweswawo ukwete zango, kakuliendela ni Zambi, ni Zambi kakuliendela nenyi.

1 Yoano 5:18

Tunanyingika ngwetu, mwana wa Zambi keshi kunyongonona kulinga yibi. Mumu, Mwana Zambi kakumufunga, ni mwe Chingulungulu kahashile kumulinga chibi nichimwe.

1 Yoano 5:21

Ana jami, ehukenu mahamba.

Yuda 1:1

Yami Yuda, kavumbi ka Yesu Kristu, kanda mwanakwo ya Tiangu (Jake). Ngunanumeneka, yenu waze Tata Zambi atongwele ni akuzanga, waze Yesu Kristu akufunga.

Yuda 1:22

Evwilenu keke akwa kuyambashana.

Yuda 1:24

Mu jina lia Mwene wetu Yesu Kristu, uhenya, ni ulamba, ni ndundo, ni yiyulo ya Zambi yisoloke, chize ku miaka yize hiyabalika, ni musono uno, ndoo ku miaka yeswe! Zambi, Chilamwina chetu, kali umuwika lume. Iye mahasa kunufunga hanga kunuchi kalimbuka; mahasa kunusolola kunushi chibeka ni uwahililo kuhiana mu uhenya wenyi. Chibwe kama Chenacho.

Usolwelo 12:11

Akwetu yaamukumba, mumu ha manyinga ja Mwana Panga, ni mumu ha liji lia shindakenyo yo. Yaatayiza kukunjika mwono wo ku kufwa.