Yuda 1:18 - Mukanda Wa Zambi 1970

¹⁸ Yaanwamba ngwo: “Ha matangwa akusula, akwa kukekuna maakasoloka waze maakalinga nikulita ni usolo wo ubi.”

MUKANDA USANDU WA ZAMBI 1975

¹⁸ ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.

Yuda 1:18 Iomraidhean Croise

Yilinga 20:29

Mumu ngunanyingika ngwami, muze mungukakatuka, tunganda asasu maakanjila hakachi kenu, waze keechi kevwila mbunga ya mapanga keke.

2 Timoteu 3:13

Alioze yivulumunyi ni akwa mahuza, maakabihia kuhiana, mumu maakonga atu akwo, ni atu akwo no maakonga.

2 Timoteu 4:3

Mumu tangwa mulikeza lize atu keechi kazanga kwivwa nichimwe longeso liamwenemwene, alioze maakakaula usolo wo ene. Maakakungulula mbunga ya alongeshi kuli ayo waze maakalongesa yize anazange kubanjika.

2 Petulu 2:1

Ha shakulu, akwa munanyi a mahuza yaasoloka hakachi ka atu. Chizechene nawa alongeshi a mahuza maakasoloka hakachi kenu. Maakanulongesa longeso lia mahuza, longeso lize liakwakokela kwonona. Maakalituna Mwene Yesu yoze waalamwinyine. Ubi wo ene muukaakokela kwonona cha kutungumuka.

2 Petulu 2:10

Chibichibi waze akutayiza usolo ubi wa uutu ni kulelesa chiyulo cha Zambi, makaamwesa lamba. Alongeshi wano a kwonga kaali akwa hamu, akwa kulisuta, keeshi vumbi kuli akwa uhenya a mwilu, alioze kaakwachoka.

2 Petulu 3:3

Hatangu nyingikenu chino ngwenu, ha matangwa akusula akwa kukekuna kumaakasoloka, waze maakalingalinga usolo wo Ubi. Maakanukekuna.

Yuda 1:16

Atu waze kaakulinyenyeta ni kubihilila matangwa eswe. Kaakulinga nikulita ni usolo wo ubi. Kaakuhanjika maliji a kulengumuka, kaakuhuhumiona atu akwo ha kwalembejeka.

Yuda 1:4

Mumu amwe atu abi aliombele ni kunjila mukachi ketu, alioze te kutwanyingikine ngwetu, haananjila. Kaakwalumuna liji liakutwala ku utu wa Zambi yetu hanga alisambise ku utanji wo. Kaakwehuka Yesu Kristu, Mwata wetu umuwika, kanda Mwene wetu. Mukanda wa Zambi hiunahanjika munanyi shimbu kanda ngwo, maakamona lamba, ni haalimona kulu.