Yuda 1:15 - Mukanda Wa Zambi 1970

¹⁵ ha kubatwila eswe, ni kuhisa yitanganyanyi eswe mumu ha yitanga yo yibi yize te akulinga ni mumu ha maliji abi waze te akumushililika no.”

MUKANDA USANDU WA ZAMBI 1975

¹⁵ mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi.

Yuda 1:15 Iomraidhean Croise

Miaso (Masamu) 139:20

Kaakukushililika; kaakukwamba yuma yibi.

Miaso (Masamu) 149:9

hanga amwese mavungu akwo lamba ngwe chize ambile Mwene Zambi. Chenacho Mwene Zambi akukwasa atu jenyi kukumba. Chichimiekenu Mwene Zambi!

Miaso (Masamu) 31:18

Holesa akwa mahuza waze, akwa kulengumuka ni akwa kulisuta eswe, waze akulamikiza akwa ululi.

Miaso (Masamu) 37:6

Makupwisa lume mukwa ululi, hanga ululi we usoloke ngwe pangu ha muchima tangwa.

Miaso (Masamu) 73:9

Kaakusaula Zambi wa mwilu; kaakuhana Shimbi yikalu kuli atu hano hashi.

Miaso (Masamu) 94:4

Ndoo miaka yingahi yingulungulu maakalengumuka? Miaka yingahi maakalichichimieka ni milonga yo?

Miaso (Masamu) 98:9

mumu kaneza ni kuyula akwa hashi. Makayula hashi heswe ni ululi ni umwenemwene.

Longeshi 11:9

Yena mukweze Wahilila, Wahilila muze uchili mukweze. Linga yeswe yize unazange kulinga, yeswe yize unamono ngwe yinabeme ku meso. Alioze iwuluka ngwe, Zambi makakubatwila ha yeswe yize wakulinga.

Longeshi 12:14

Zambi kumatubatwila mumu ha yuma yeswe yize twakulinga, chibwe yibema hanji yibi, chibwe yize twakulinga ku tenga.

Ezekiel 35:13

Hingunakwivu chize walifujile ni kulimika ni yami.”

Daniel 11:36

“Mwanangana wa ku Norde makalinga ngwe chize anazange. Makalichichimieka ngwenyi, ngunahiana mazambi eswe, kuhiana chibwe mwe Zambi Chitunda. Makachilinga ndoo ku tangwa lize Zambi makamumwesa lamba. Zambi makalinga nikulita ni chize hanalulika kulu.

Daniel 7:20

Yinguzanga kunyingika hakutwala ku mbinga kumi ja ha mutwe wenyi ni mbinga yize yasokele mukachi ka mbinga jikwo, mba yiimakwona mbinga jikwo jitatu, mbinga yize yiibwa ni meso ni kanwa, yiihanjika yuma ya kulizelula. Ngongo yoze yabwa wakole ni woma kuhiana akwo eswe.

Yoano 5:27

Hanakunjika nawa kuli Mwana chiyulo cha kubatwila, mumu iye mwe Mwana Mutu

Yilinga 17:31

Mumu te hanatongola kulu tangwa lize makabatwila akwa hashi ni ululi, kuli lunga yoze hanatongola. Hanahana chinyingi kuli atu eswe ha kumuhindwisa ku kufwa.”

A-ROMA 14:10

Alioze yena, kuchi wakubatwila mukwenu? Ni yena, kuchi wakulelesa mukwenu? Yetu eswe mutukamana ku meso ja Zambi hanga akatubatwile.

A-ROMA 2:16

Chenacho muchikabwa, nikulita ni Sango Jibema jize nakwambujola, ha tangwa lize Zambi makabatula yuma ya kuhengeka ya atu. Zambi makayibatula kuli Yesu Kristu.

A-ROMA 2:5

Alioze mbunge yikalu ukwete. Kuusolo kwalumuka. Kashika wakulitulikila lamba liahiana ha tangwa lize Zambi makasolola utenu wenyi wa ululi,

1 Korintu 4:5

Kashika, kanda nubatwila niumwe, muze tangwa kanda lichiheta. Ubatwilo wakusula chatamba kushimbwila ndoo muze Mwene Yesu makeza. Iye makasolola mu pangu yuma yize yahengamine mu milima, makasolola manyonga waze ahengamine mu mbunge ja atu. Mba Zambi makachichimieka mutu ni mutu chize chinalite.

1 Timoteu 1:9

Chatutamba kunyingika ngwetu, Zambi kahanyine ko Shimbi mumu hali akwa ululi, alioze mumu hali atu wano: akwa kukolema Shimbi, ni yihulia, ni waze kaanyingikine Zambi, ni yivulumunyi, ni waze keeshi kufuliela ni keeshi kulemesa yuma ya Zambi, ni waze akushiha atato ni anaye, ni waze akushiha atu akwo,

Yuda 1:16

Atu waze kaakulinyenyeta ni kubihilila matangwa eswe. Kaakulinga nikulita ni usolo wo ubi. Kaakuhanjika maliji a kulengumuka, kaakuhuhumiona atu akwo ha kwalembejeka.

Usolwelo 13:11

Mba yingumona ngongo munene mukwo unavumbuka hashi. Te kali ni mbinga jaali ngwe mbinga ja mwana panga, yahanjika ngwe ngongo munene, dragau.

Usolwelo 22:20

Yesu, yoze wakushindakenya yuma yino yeswe, kanambe ngwenyi: “Ewa, mungwiza nikawashi!” Chibwe kama Chenacho! Tweya Mwene Yesu!

1 Samuel 2:3

Kanda uhanjika ni kulisuta; echenu maliji jenu akulengumuka. Mumu Mwene Zambi, Zambi ya yinyingi kakubatula yitanga yeswe ya atu.