Yuda 1:14 - Mukanda Wa Zambi 1970

¹⁴ Kashakulu ketu, Enoke, wa Chisemuko cha muchishimbiali chize kuli Samutu, yahanga kwambulula shimbu kanda hakutwala kuli ayo ngwenyi: “Achivwenu, Mwene makeza hamwe ni yizavu yinji ya akwa kulinanga jenyi a mwilu,

MUKANDA USANDU WA ZAMBI 1975

¹⁴ Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Yuda 1:14 Iomraidhean Croise

Ubutukilo 5:18

Muze Jarede habwa ni miaka 162, yasema mwana wa lunga, Enoke.

Izaya 26:21

Mwene Zambi mwilu makeza akamwese akwa hashi lamba mumu ha milonga yo. Hashi muhakasolola atu waze ashihile ku tenga, kuhechi kaasweka nawa.

Zakaria 14:5

Mba munukachinyina mu chingulunga chize muchikahandununa mulundu mu yihanda yaali. Mba ye yimbandwa muyibwa chinyingi cha milimo yo ya munanyi. Munukachina ngwe chize tushakulu twenu achinyine munyiko ha matangwa ja mwanangana Uzia wa Yuda. Mwene Zambi, Zambi yami, makeza hamwe ni tunganda eswe a mwilu.

Mateu 16:27

Mumu Mwana Mutu makeza mu uhenya wa Tato hamwe ni tunganda twenyi a mwilu. Mba makalia mutu mweswe nikulita ni yitanga yenyi.

Mateu 25:31

“Muze Mwana Mutu makeza mu uhenya wenyi, hamwe ni tunganda twenyi eswe a mwilu, makatwama ha chitwamo chenyi cha uhenya.

Shimbi 33:2

Mwene Zambi yakatuka ku mulundu wa Sinai, yabwa ngwe chize tangwa liakuvumbuka ha Edome nikupanguka hali Aisraele ha mulundu wa Parane. Tunganda a mwilu tununu kumi yabwa hamwe nenyi, soka lia mulengi wa kahia mu kwoko lienyi lia chindume.

1 Tesalonika 3:13

Atakamise mbunge jenu hanga nubwe akwa kulinanga ni angunu ku meso ja Zambi kanda Tata yetu, muze Mwene wetu Yesu makeza hamwe ni atu jenyi eswe.

Hebreu 12:22

Alioze yenu hinunahete ku Mulundu wa Zione ni ku limbo lia Zambi ya mwono, Yerusaleme wa mwilu, ni yizavu yalio ya tunganda a mwilu.

Usolwelo 1:7

Talenu, kaneza mu malelwa! Mutu mweswe makamumona, chibwe waze amutuwile. Mavungu eswe a hashi maakalila mbimbi mumu hali iye. Ewa, Chenacho muchikabwa!

Usolwelo 5:11

Yingutala nawa, mba yingwivwa liji lia tunganda a mwilu anji, yihuji ni yihuji, tununu ni tununu! Te kaanajingilika chitwamo cha wanangana, ni akwa mwono waze, ni e makulwana.