Yuda 1:13 - Mukanda Wa Zambi 1970

¹³ Kaali ngwe miavu ya mu kalunga lwiji. Yibi yize akulinga, yili ngwe fulufulu lia ha miavu. Kaali ngwe matongonoshi waze akupianguka, Zambi hanaalulikila muma mwa milima yahiana ya miaka yeswe.

MUKANDA USANDU WA ZAMBI 1975

¹³ mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.

Yuda 1:13 Iomraidhean Croise

Miaso (Masamu) 65:7

Wakuholesa chizungozungo cha tulunga lwiji, ni chizungozungo cha miavu yo, ni chizungozungo cha atu.

Izaya 57:20

Alioze yingulungulu kaali ngwe kalunga lwiji, yoze miavu yenyi kuyishi kuhola, kuyakuvundula mavu ni fufuta.

Filipu 3:19

Songo lio kwononona, mumu zambi yo jimo lio. Kaakulisuta ni yuma yo ya sonyi, kaakunyonga lume ku yuma ya hano hashi.

2 Timoteu 3:13

Alioze yivulumunyi ni akwa mahuza, maakabihia kuhiana, mumu maakonga atu akwo, ni atu akwo no maakonga.

2 Petulu 2:17

Alongeshi waze akwonga kaali ngwe tusulo twa meya waze haanomu. Kaali malelwa waze akuhungumuka ni kangonga. Zambi hanaatongwela homa lia milima yize yahiana.

Yuda 1:6

Iwulukenu tunganda a mwilu waze kaawahililile ko ni chiyulo chize ahele Zambi, alioze yeehuka muma lio mwakutwama. Zambi yaanyasa hashi mu milima, yaakasa ni ngoji ja utale ku miaka yeswe ndoo ku Tangwa linene lize makaabatwila.

Usolwelo 20:10

Mba Sakwonga, yoze te waakwonga, yamunyasa mu wina wa kahia ni fundanga, kuze anyashine kulu ngongo yoze munene ni mukwa munanyi wa mahuza. Kwenako makaamwesa lamba mwalwa ni ufuku, ku miaka yeswe ni miaka yeswe.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”