Yuda 1:12 - Mukanda Wa Zambi 1970

¹² Muze yenu akwa Kristu nwakulia ku yiteleka yenu ya zango, atu wano kaali ngwe yibeka muze akulia ni kunwa kuhiana, keeshi sonyi. Kaakulinyonga ayo ene. Kaali ngwe malelwa waze akuhungumuka ni fuji, alioze keeshi kunoka vula. Kaali ngwe mitondo yize kuyishi kwima mihuko chibwe tangwa lia mihuko hiliaheta, mitondo yize hiyinatangumuka, yakuma liakulu.

MUKANDA USANDU WA ZAMBI 1975

¹² Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka;

Yuda 1:12 Iomraidhean Croise

2 Sango Ja Mianangana 7:20

mba yami mungunuchiza mu chifuchi chize nanuhele, ni zuwo lino hinalikunjika libwe muma mwa kunguwayila, munguliehuka. Mba atu a kuma kweswe maalikekuna ni kulilelesa.

Jobe 8:17

Miji yawo yakulimbalimba, kuyakukwata ha mawe.

Miaso (Masamu) 1:3

Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 37:2

Kumaakoma susumuku ngwe chize wakuma mwambu, kumaakalela ngwe mwambu wa wisu.

Yishima 25:14

Atu waze akulakenya kuhana yawana, hindu keeshi kuyihana, kaali ngwe malelwa ni fuji yize kuyishi vula.

Ezekiel 17:9

“Kashika yami Mwene Zambi ngunahula ngwami, muvinyu muutatuka, nyi? Tela mutangu kechi kutukula miji yawo, ni kuulukumuna mihuko, ni kumakwona mitango, ni kuumisa, nyi? Chibwe keeshi tachi, chibwe hi anji ko, maahasa kuutukula.

Ezekiel 34:10

Yami Mwene Zambi ngunambe ngwami, nguli mukwa kole yenu. Mungunutambula mapanga jami, kunuchi kabwa nawa tufunga two. Chichi kunutayiza nawa kulizanga yenwene. Mungukalamwina mapanga jami kuli yenu, chichi kunutayiza nwaalie.

Ezekiel 34:18

Amwe a kuli yenu kunushi kuwahilila kulia yambu wika; nwakuliachila nawa hashi yize yakusala ho! Nwakunwa meya abema ni kuvundula waze kunwazangile kunwa.

Ezekiel 34:2

“Mwana mutu, bajila akwa kuyula ja Aisraele, hanjika munanyi kuli ayo, alweze chize yami Mwene Zambi ngunambe. Ngwami, lamba lienu yenu tufunga twa Aisraele! Nwakulizanga yenwene, alioze kunushi kufunga mapanga.

Ezekiel 34:8

Ni mwe yami mwene, ngubanjikenu. Mapanga jami haanaakwate kuli tushitu a yilianyi mumu te kukushi kafunga niumwe. Tufunga twami kaafupile ko mapanga. Te kaakulitala ayo ene, hi mapanga ko.

Hosea 6:4

Alioze Mwene Zambi kanambe ngwenyi: “Ayenu Aisraele ni Ayuda, ngunulinge kuchi? Nunanguzange lume shimbu likepe, ngwe mbundu ya chichamene yize yinajimuka nikawashi, ngwe mume uze wakulukumuka muze tangwa hiliavumbuka.

Alevi 14:43

Nyi ngwe mbundu hiyasoloka nawa mu zuwo lize hachiza mawe ni kusalakanyisa ho eka, ni hashinguna mo nawa,

Mateu 13:6

Alioze muze tangwa hiliasasaminya, yibuta yilekama, yiyuma chau, mumu te kuyishi miji.

Mateu 15:13

Neye yaakumbulula ngwenyi: “Chibuta cheswe chize Tata wa mwilu kachitumbile, makachitukula.

Marku 4:6

Alioze muze tangwa hiliasasaminya, yibuta yilekama, yiyuma chau, mumu te kuyishi miji.

Luka 12:45

Alioze, nyi kavumbi yoze malihanjikisa ngwenyi: ‘Mwata wami kanashimbula,’ mba mabutuka kulamba tuvumbi ni akwo a malunga ni a mapwo, ni kulialia, ni kunwanwa, ni kuzengewa,

Luka 16:19

“Yikubwa umwe pichi te wakuzala mahina a lubula, a ubite unji. Tangwa ha tangwa te kakusehejela ha yiteleka yibema.

Luka 21:34

“Kanyamenu yenwene! Mbunge jenu kanda jilema ni yiteleka, ni kuzengewa, ni yibikalo ya mwakono. Nyi ka, tangwa lize mulikanutungumuna.

Luka 8:6

Yikwo yiiholokela ha mavu a mawe. Muze hiyasoka yiyuma chau, mumu kuyabwile ko ni meya.

Efesu 4:14

Mba kutuchi kabwa nawa ngwe ana, hanji ngwe atu waze anahungumuka ngwe ulungu ku tachi ja fuji ni miavu ya meya, mumu ha longeso lia akwa mahuza, waze akupiangula akwo ni kwonga cha kutaka.

Filipu 3:19

Songo lio kwononona, mumu zambi yo jimo lio. Kaakulisuta ni yuma yo ya sonyi, kaakunyonga lume ku yuma ya hano hashi.

1 Timoteu 5:6

Alioze twamishi yoze hanafwisa lunga, nyi malihana ku kuwaha cha yuma ya hano hashi, mabwa ngwe mufu, chibwe uchili ni mwono.

Hebreu 13:9

Longeso lieka ni lieka kanda linupiangula. Mbunge jetu jitakame ni utu wa Zambi. Kujahashile kutakama ha kufunga Shimbi jeka ni jeka hakutwala ku kulia. Shimbi jize kujishi kukwasa nichimwe waze akujifunga.

Tiangu (Jake) 5:5

Mu kutwama chenu hano hashi hinunawahilila ni yiwape yeka ni yeka, hinunali kuhiana, hinunabu ni maji anji ngwe tushitu ndoo ha tangwa lize maakaashiha.