Yuda 1:11 - Mukanda Wa Zambi 1970

¹¹ Lamba lio! Kaakukaula jila ya Kene, kaakulihana ku ndako yibi mumu ha lwahu wa mbongo, ngwe chize alingile Balame. Hanaanongo mumu ahamikine ngwe chize alingile Kora.

MUKANDA USANDU WA ZAMBI 1975

¹¹ Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

Yuda 1:11 Iomraidhean Croise

1 MIANANGANA 16:16

Uria yalinga nikulita ni maliji ja mwanangana.

Izaya 3:11

Alioze yingulungulu maakamona lamba; yuma yeswe yize alingilile akwo, akwo no maakalingila yo.

Izaya 3:9

Neye makaabatwila mumu ha katonde ko. Kakuvulumuna mwalwa kachi ngwe chize alingile akwa Sodome. Kumaamona lamba; haanalikokela lio ayo ene.

Jeremia 13:27

Hananumono nikulinga yuma yize akuvutwokela iye, ni chize nwakuya ni kuwayila mazambi eka ha milundu ni mu yambu, ngwe chize mutu akukaula pwo lia mwenyembo wenyi mu yambu, hanji ngwe kuji a kavwalu unahembeleza chihwo. Aa yenu akwa Yerusaleme, janukangana! Mwiji muka munukashikisa milonga yenu.

Ezekiel 13:3

Mwene Zambi kanambe ngwenyi: “Lamba lio akwa munanyi, yihepuke, waze akulongesa nikulita ni manyonga jo ene, waze akutomba Usolwelo wa ayo ene.

Mika 6:5

Atu jami, iwulukenu kama chize mwanangana Balake wa ku Moabe anulingile, ni chize amukumbulwile kuli Balame mwana wa Beore. Iwulukenu yuma yize yabwile ha matangwa waze nwakatukile ku musumba wa Akasia ndoo ni muze nwahetele ku Gilgale. Iwulukenu yuma yize, mba mununyingika ngwenu, kuma nalulikile yize yeswe ha kunulamwina.”

Zakaria 11:17

Alioze lamba kuli kafunga yoze wamokomoko! Hehuka mapanga jenyi. Jita mujikazeyesa tachi jenyi liakulu. Kwoko lienyi lia chindume mulikasosewa, ni liso lienyi lia chindume mulikapuputa.”

Kwalula 31:16

Nyingikenu ngwenu, kaali mapwo waze akawile longeso lia Balame ni avulumwishine Aisraele ku Peore. Chenacho chakokele chipuho hali atu ja Mwene Zambi.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Shimbi 23:4

Kaahashile kunjila ndoo ku miaka yeswe, mumu yaalituna kunubatwiza ni yakulia ni meya mu jila muze nwakatukile mu chifuchi cha Egiptu, ni yaafweta Balame mwana wa Beore, wa ku limbo lia Petore mu Mesopotamia, ha kunushinga.

Hebreu 11:4

Ku ufulielo Abele yalambula mulambu unahiana uze wa yayo Kene. Ku ufulielo wenyi Zambi yamutayiza ngwenyi, mukwa ululi, mumu Zambi iye mwene watayijile mulambu wenyi. Ku ufulielo, Abele, chibwe hafwa kulu, hindu kakuhanjika.

2 Petulu 2:15

Haanehuka jila yalulama, haanapianguka, haanakaula jila ya Balame, mwana wa Beore, yoze wabwile ni lwahu wa kufumbula ubite ku yuma yibi.

1 Yoano 3:12

Kuchatambile kubwa ngwe Kene, mutu wa kuli mwe Chingulungulu, yoze washihile mwanakwo. Ha chikuma chika amushihilile? Mumu te kakulinga yibi, alioze mwanakwo te kakulinga yibema.

Usolwelo 2:14

Alioze, chibi chize ngunakumwena chino: kuze ku Chikungulwila chenu amwe atu aliko waze akutayiza longeso lia Balame, yoze walongesele Balake chize mahasa kupiangula Aisraele ha kuvulumuna ni kulia yifwo yize akulambula ku mahamba, ni kulinga utanji.