Yoshua 1:4 - Mukanda Wa Zambi 1970

⁴ Njiza yenu muyikabwa chize ku puya ku sude ndoo ku milundu ya Libano ku norde, chize ku lwiji munene Ufrateze ku chivumbuko ndusu mu chifuchi cha Ahite ndoo ku kalunga lwiji Mediterane ku chitokelo.

MUKANDA USANDU WA ZAMBI 1975

⁴ Chize ku puya ni Lebano kuno, ndo ku lwiji munene wa Ufrateze, chifuchi cheswe cha A-Hete ku Kalunga-lwiji Munene ku Chitokelo cha tangwa mukupwa chifuchi chenu.

Yoshua 1:4 Iomraidhean Croise

1 Yitanga Ya Mianangana 10:29

ni e matemba a jita ku chifuchi cha Egiptu. Yaalanjisa tuvwalu ni matemba kuli Ahite ni kuli mianangana ja Siria. Temba limuwika te liakufwika 600 mbongo ja prata ni kavwalu umuwika 150.

1 Yitanga Ya Mianangana 4:21

Solomone yayula mavungu eswe chize ku lwiji Ufrateze ndoo ku chifuchi cha Filistia, ni ndoo ku njiza ya chifuchi cha Egiptu. No yaanehenanehena Solomone milambu ni kumulingila matangwa eswe a mwono wenyi.

1 Sango Ja Mianangana 18:3

Hohene mwanangana David yasa jita ni mwanangana Hadadezere wa mu chifuchi cha Zoba mu Siria, hehi ni chifuchi cha Hamate, mumu mwe mwanangana Hadadezere yeseka kuyula chifuchi chize chasulangana ni lwiji Ufrateze ku tunda.

1 Sango Ja Mianangana 5:9

Yaabwa ni yimuna anji mu chifuchi cha Gileade. Kashika yaatwama mu chifuchi chize chinayi ku chivumbuko ndoo ku puya yize yinahete ku lwiji Ufrateze.

Ezra 4:20

Mianangana a tachi te akuyula chifuchi chize ku chitokelo cha Ufrateze, te kaakutambula milambu ni mwombo.

Kutuhuka 23:31

Mungukatohwesa njiza yenu chize ku kalunga lwiji Muchila, ndoo ku kalunga lwiji Mediterane, chize nawa ku puya ya Sinai, ndoo ku lwiji wa Ufrateze. Atu ja chifuchi chize mungukanwahoo, munukaahuma kulutwe lienu.

Shimbi 1:7

Bukukenu ha musumba, nuye. Yeenu ku chifuchi cha milundu ya Aamore ni ku yifuchi yeswe yaajingilika: ku chikulo cha Yordau, ni ku milundu, ni ku yana, ni ku chifuchi ku sali lia sude, ni ku mbumbulu ya kalunga lwiji Mediterane. Yeenu ku chifuchi cha Kanana, nuhiane milundu ya Libano ndoo ku lwiji munene Ufrateze.

Shimbi 11:24

Mavu eswe kuze munukaliata maakabwa nienu. Chifuchi chenu muchikabwa chize ku puya ku sude nikuheta ndoo ku milundu ya Libano ku norde, chize nawa ku lwiji Ufrateze ku chivumbuko ndoo ku kalunga lwiji Mediterane ku chitokelo.

Shimbi 3:25

Mwene Zambi, ngutayize kama nguzauke Yordau, hanga ngumone chifuchi cha chinuno cha musali, ni ubeme wa mikandu yamo ni wa milundu ya Libano.’

Usolwelo 9:14

Liji lize yiliambila kanganda ka mwilu wa muchisambano, yoze wabwile ni chitavwi, ngwo: “Yako utusule tunganda a mwilu awana akukasa hehi ni lwiji munene Ufrateze!”