Yoshua 1:2 - Mukanda Wa Zambi 1970

² “Kavumbi kami Mose hafwa. Haliabwila katuka, yena ni atu wano eswe, zaukenu Yordau, hanga nunjile mu chifuchi chize ngunahe Aisraele.

MUKANDA USANDU WA ZAMBI 1975

² Kavumbi kami Mose hafwa, kashika katuka uzauke Yordau yono, ni yena ni wano atu eswe, nukanjile mu chifuchi chize ngunahane kuli A-Izalele.

Yoshua 1:2 Iomraidhean Croise

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Nehemia 9:23

Yiwaaha ana anji ngwe matongonoshi a mwilu, yiwaatayiza kukumba chifuchi ni kutwama mo, chize walakenyene tushakulu two akachihinge.

Jobe 1:8

Mwene Zambi ngwenyi: “Kuchi, hiunashishika kavumbi kami Jobe, nyi? Hashi kuheshi mukwo yoze alifwa nenyi. Kali mutu mubema, mukwa ululi, yoze wakungulemesa, kakulifunga ku yibi.”

Izaya 42:1

Mwene Zambi kanambe ngwenyi: “Talenu kavumbi kami yoze ngunatakamisa yoze natongwele, yoze nakuwahilila nenyi. Hingunamuzalisa ni Mwiku wami, makakolesa atu hanga akaliendele ni ululi.

Kwalula 12:7

Alioze ni kavumbi kami Mose hi chocho ko. Hingunamwehe yilemu yeswe ya atu jami Aisraele.

Shimbi 3:28

Longesa Yoshua, mukolese, atakame, mumu iye mwe makasongwela atu ha kuzauka ni kuzuka chifuchi chize muumona.’

Shimbi 31:7

Mba Mose yatambika Yoshua, yamwamba ku meso ja Aisraele eswe, ngwenyi: “Takama, jikiza. Yena mwe muubwa kasongo ka atu wano ha kuzuka chifuchi chize Mwene Zambi alakenyene tushakulu two.

Shimbi 34:5

Chenacho Mose, kavumbi ka Mwene Zambi, yafwila mu chifuchi cha Moabe, ngwe chize ambile Mwene Zambi.

Yoshua 1:1

Muze Mose, kavumbi ka Mwene Zambi, hafwa, Mwene Zambi yambila Yoshua, mwana wa Nune, chikwashi cha Mose, ngwenyi:

Yoshua 1:11

“Balikenu hakachi ka musumba, lwezenu atu ngwenu: ‘Lulikenu yakulia ya mu jila, mumu kulutwe lia matangwa atatu munukazauka Yordau ni kunjila mu chifuchi cha chihinga chize Mwene Zambi, Zambi yenu, ananwehe.’ ”