Yoshua 1:1 - Mukanda Wa Zambi 1970

¹ Muze Mose, kavumbi ka Mwene Zambi, hafwa, Mwene Zambi yambila Yoshua, mwana wa Nune, chikwashi cha Mose, ngwenyi:

MUKANDA USANDU WA ZAMBI 1975

¹ Kulutwe lia kufwa cha Mose kavumbi ka Yehova, Yehova yamba kuli Yoshua mwana wa Nune, kambaji ka Mose, ngwenyi,

Yoshua 1:1 Iomraidhean Croise

1 Yitanga Ya Mianangana 19:16

Wayisa nawa Jehu, mwana wa Nimshi, akabwe mwanangana wa Israele. Wayisa nawa Elisha, mwana wa Shafate wa ku Abele Mehola, akabwe mukwa munanyi yoze makakuhinga.

1 MIANANGANA 3:11

Mwanangana Yehosafate yahula ngwenyi: “Hano kuheshi kama umwe mukwa munanyi yoze mahasa kutuhulila kuli Mwene Zambi, nyi?” Umwe mwata wa tujita twa mwanangana Jorame, yakumbulula ngwenyi: “Elisha mwana wa Jafate hano hali, te kavumbi ka mukwa munanyi Eliya.”

Nehemia 8:17

Atu eswe waze akatukile mu undungo yaatunga yikulika, yaatwama mo. Chino chabwile chisuho chitangu afungile chiwanyino chize, chize ku matangwa ja Yoshua mwana wa Nune. Atu eswe yaawahilila kuhiana.

Kutuhuka 24:13

Mose yalilulika hamwe ni chikwashi chenyi Yoshua, mba yaakanduka ha mulundu wa Zambi.

Kwalula 11:28

Mba Yoshua mwana wa Nune, yoze te wakukwasa Mose chize ku ukweze wenyi, yalweza Mose ngwenyi: “Aholese!”

Kwalula 12:7

Alioze ni kavumbi kami Mose hi chocho ko. Hingunamwehe yilemu yeswe ya atu jami Aisraele.

Kwalula 13:16

Wano e ngendeshi waze Mose atumine ha kwendesa chifuchi. Hoshea mwana wa Nune, Mose yamuluka jina ngwenyi, Yoshua.

Luka 16:10

Yoze mashishika ni chize chikepe, mashishika nawa ni chize chinene. Yoze mahengesa ni chize chikepe, mahengesa nawa ni chize chinene.

Yilinga 7:45

Tushakulu twetu akwo yaalitambula kuli atato. No yaalimbata muze ahumine yilambala kulutwe lio, tetekeli yo Yoshua. Zuwo lize yilisala ndoo ku miaka ya mwanangana David.

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

Shimbi 1:38

Alioze chikwashi che, Yoshua, mwana wa Nune, mwe makanjila mo. Mukolese, mumu mwe makasongwela Aisraele kuhinga che chifuchi.’

Shimbi 31:23

Mba Mwene Zambi yambila Yoshua mwana wa Nune ngwenyi: “Takama, hamuka, yena muukahetesa Aisraele mu chifuchi chize naalakenyene. Mungukabwa hamwe ni yena.”

Shimbi 31:3

Mwene Zambi, Zambi yenu, mwe manutetekela ni kwonona mavungu waze atwama ko, mba nukahase kuzuka chifuchi cho. Yoshua mwe makabwa kasongo kenu, ngwe chize ambile Mwene Zambi.

Shimbi 33:1

Mose, mutu wa Zambi, shimbu te kanda achifwa, yawahisa Aisraele.

Shimbi 34:12

Wakuhi mukwa munanyi niumwe walingile yuma yinene ni yikomokeso ngwe yize alingile Mose ku meso ja Aisraele eswe.

Shimbi 34:5

Chenacho Mose, kavumbi ka Mwene Zambi, yafwila mu chifuchi cha Moabe, ngwe chize ambile Mwene Zambi.

Shimbi 34:9

Yoshua mwana wa Nune yabwa ni mana anji, mumu Mose hamushindakenya ha kubwa swana yenyi. Aisraele yoononokena Yoshua, yaafunga Shimbi ja Mwene Zambi jize aahele Mose.

Titu 1:1

Yami Paulu, kavumbi ka Zambi kanda kanganda ka Yesu Kristu, ngunakusonekena yena Titu, mwanami wamwenemwene mu ufulielo wetu. Zambi hanangutongola ha kukolesa ufulielo wa atu, waze iye mwene hanatongola, ni kwalongesa chinyingi cha umwenemwene cha kuwayila chetu, hanga ase mbunge ku mwono wa miaka yeswe. Zambi, yoze keshi kuhanjika mahuza, hanatulakenya mwono uno shimbu te miaka kanda yichibwa. Zambi, ha tangwa lize atongwele, yasolola longeso lienyi. Longeso lino angukunjikile, ngunaliambujola nikulita ni Shimbi jize anguhele Zambi, Chilamwina chetu. Zambi Tata ni Kristu Yesu, Chilamwina chetu, anulweze utu ni anwehe uhwimino.

Tiangu (Jake) 1:1

Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.

Yoshua 1:15

ndoo ni muze haatambula chifuchi musali lia Yordau ku chitokelo, chize Mwene Zambi ahele. Muze hahana uhwimino ku mavungu eswe ja Israele, mba munukahiluka ni kutwama mu chifuchi chenu ku chivumbuko cha Yordau, chize Mose, kavumbi ka Mwene Zambi, hananwehe.”

Yoshua 1:2

“Kavumbi kami Mose hafwa. Haliabwila katuka, yena ni atu wano eswe, zaukenu Yordau, hanga nunjile mu chifuchi chize ngunahe Aisraele.

Yoshua 12:6

Mose ni Aisraele yaakumba mianangana wano aali. Mose kavumbi ka Mwene Zambi, yahana chifuchi cho ku mavungu ja Rubene ni Gade ni mbunga yimuwika ya Manase.

Usolwelo 1:18

Nguli mukwa mwono. Nafwile, alioze tala, haliabwila nguli ni mwono ndoo ku miaka yeswe ni miaka yeswe. Ngunayulu kufwa. Ngunayulu nawa chifuchi cha waze haanafu.