Yoano 1:4 - Mukanda Wa Zambi 1970

⁴ Liji lize liabwile chishina cha mwono, we mwono wapangulwishile atu.

MUKANDA USANDU WA ZAMBI 1975

⁴ Muli iye mwapwile mwono; ni mwono wapwile pangu lia atu.

Yoano 1:4 Iomraidhean Croise

Miaso (Masamu) 49:6

atu abi waze akusa mbunge ku ubite wo. Ni kulifuza ha kulumbama cha yuma yo.

Miaso (Masamu) 84:11

Mwene Zambi kali tangwa lietu kanda lukebwe wetu; kakutuwahisa ni kutulemesa. Keshi kumina Chuma chibema nichimwe kuli akwa ululi.

Izaya 42:16

“Tupuputa mungwasongwela mu majila waze kanda enda kama nichimwe. Milima yo munguyalumuna pangu, chifuchi cha mingulunga mungwasalamishina cho. Yino yili yilakenyo yami, munguyimanununa kanawa.

Malaki 4:2

Alioze kuli yenu waze nwakungwononokena, tachi jami ja kulamwina mujikasoloka ngwe kuvumbuka cha tangwa, ni kunuwuka ngwe mitemite ya tangwa. Munukatusuka ni kuwahilila ngwe yimbembe ja ngombe waze anatuhuka ku tanga lio.

Mateu 4:16

Atu a ku yifuchi yize, te atwama mu milima, haanamono pangu linene! Waze te atwama mu chifuchi cha kufwa, Pangu hilinaapangulwisa!”

Luka 2:32

Ulamwino uno lie pangu lia kutemwina waze hi Ayuda ko, we ulemu wa atu je Aisraele.”

Yoano 11:25

Yesu ngwenyi: “Yami nguli we uhindukilo ni we mwono. Yoze wakungufuliela, chibwe afwe, kumabwa ni mwono,

Yoano 12:35

Yesu ngwenyi: “Pangu lili mukachi kenu, alioze ha shimbu likepe wika. Endenu shimbu nuchili ni pangu, hanga ufuku kuuchi kanuwana. Mumu mutu yoze menda mu milima keshi kunyingika kuze maya.

Yoano 12:46

Yami hinguneza hashi ngwe pangu, hanga yoze mangufuliela, kechi kenda mu milima.

Yoano 14:6

Yesu ngwenyi: “Yami nguli ye jila, ni we umwenemwene, ni we mwono. Niumwe meza kuli Tata shina ni yami.

Yoano 3:19

Uno we uhiso: pangu hilineza hano hashi, alioze atu yaazanga milima kuhiana pangu, mumu akulinga yibi.

Yoano 5:21

mumu ngwe chize Tata kakuhindwisa afu ni kwapwisa ni mwono, chimuwika nawa mwe Mwana neye kakupwisa ni mwono waze anazange.

Yoano 5:26

Mumu Tata chiyulo akwete cha kupwisa atu ni mwono, chimuwika nawa hanakunjika chiyulo kuli Mwana cha kupwisa atu ni mwono.

Yoano 8:12

Yesu yaamba nawa ngwenyi: “Lie pangu lia hashi yami. Yoze wakungukaula mabwa ni pangu lia mwono, kechi kenda nichimwe mu milima.”

Yoano 9:5

Shimbu nguchili hashi nguli pangu lia hashi.”

Yilinga 26:23

‘Chilamwina yoze Zambi alakenyene chamutamba kumona lamba nikubwa mutangu kuhinduka ku kufwa, Makambujola pangu lia ulamwino kuli Ayuda ni kuli waze hi Ayuda ko.’ ”

1 Korintu 15:45

Mumu hichinasonewa mu Mukanda wa Zambi ngwo: “Mutu mutangu yoze atangile Zambi, Samutu, yamutanga wa mwono.” Alioze Samutu wakusula kali Mwiku uze wakuhana mwono.

Efesu 5:14

Mumu chize cheswe hanachisolola chakwalumuka pangu. Kashika Mukanda wa Zambi unambe ngwo: “Laula yena uli mu tulo, hinduka ku kufwa! Mba Kristu makakutemukina.”

Kolosu 3:4

Kristu kali mwono wenu wamwenemwene. Muze makasoloka, ni yenu nawa munukasoloka hamwe nenyi, munukabwa ni kamwe ka uhenya wenyi.

1 Yoano 1:1

Tunanusonekena hakutwala ku liji lia mwono, lize liabwile chize ku Ubutukilo wa yuma yeswe. Yitulivwa, yitulimona ni meso jetu, yitulitala, yitulivwavwata.

1 Yoano 1:2

Muze mwono uno wasolokele, yituumona. Kashika tuli yela jawo, ni tunanwambulwila mwono wa miaka yeswe uze wabwile hamwe ni Tata, ni hanatusolwela wo.

1 Yoano 5:11

Ye shindakenyo yili yino ngwo, Zambi yatwaha mwono wa miaka yeswe. Mwono uze uli muli Mwanenyi.

Usolwelo 22:1

Kanganda ka mwilu yangulweza nawa lwiji yoze ukwete meya a mwono, te kanabeyima ngwe katalilo. Lwiji yoze te kanatuhuka ku chitwamo cha wanangana cha Zambi ni cha Mwana Panga.

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”