Yoano 1:3 - Mukanda Wa Zambi 1970

³ Zambi yatanga yuma yeswe ku ndundo jalio. Katangile nichimwe Chuma shina ni Liji.

MUKANDA USANDU WA ZAMBI 1975

³ Yuma yeswe yatangiwile ku tachi jenyi; katangile nichimwe chuma chize atangile shina kuli iye.

Yoano 1:3 Iomraidhean Croise

Ubutukilo 1:1

Ha Ubutukilo Mukulu Zambi yatanga lilu ni hashi.

Ubutukilo 1:26

Mukulu Zambi yamba nawa ngwenyi: “Haliabwila tutangenu atu abwe ngwe yetu ni alifwe ni yetu. Akayule yishi a mu meya, ni tujila, ni tushitu eswe a ha chihunda, ni a mu yambu, anene anene ni akepe akepe.”

Miaso (Masamu) 102:25

ha Ubutukilo yena watangile hashi, yena nawa watangile lilu ni moko ja yena mwene.

Miaso (Masamu) 33:6

Mwene Zambi yamba ngwenyi: “Tangwa ni kakweji ni matongonoshi yibwe.” Neyo yiibwa.

Yishima 8:30

Nabwile ku sali lienyi ngwe mukwa kusongwela, tangwa ha tangwa nabwile uwahililo wenyi. Nawahilile ku meso jenyi matangwa eswe,

Izaya 45:12

Yami natangile hashi, ni atu waze atwama ho. Nazazulwile lilu ni ndundo jami; nakuyula tangwa, ni kakweji, ni matongonoshi.

Izaya 45:18

Mwene Zambi yatanga lilu, iye mwe Zambi wika! Iye yatanga hashi, yakolesa ho, kechele ho hahululu, alioze yakolesa ho hanga hakatwame atu. Iye mwene yamba ngwenyi: “Yami nguli Mwene Zambi, kukushi Zambi mukwo.

Yoano 1:10

Lie Liji liabwile hano hashi, ni Zambi yatanga hashi ku ndundo jalio, hindu akwa hashi kaalinyingikine ko.

Yoano 1:2

Ha Ubutukilo Liji liabwile kulu hamwe ni Zambi.

1 Korintu 8:6

hindu yetu Zambi umuwika lume tukwete, Tata yoze watangile yuma yeswe. Tuli ni mwono ha kumuchichimieka. Chenacho nawa Mwene umuwika uliko, Yesu Kristu. Zambi yatanga yuma yeswe ni ndundo ja Yesu; ni yetu nawa, tuli ni mwono mumu hali iye.

Efesu 3:9

ni kunyingikisa atu eswe ngwe chize mamanununa chijimbikilo chenyi. Zambi, yoze watangile yuma yeswe, wachihengekele ku shakulu,

Hebreu 11:3

Ku ufulielo tunanyingika ngwetu, Zambi yatanga lilu ni hashi ku liji lienyi. Kashika yuma yize yakumoneka ku meso, yabutukile ni yuma yize kuyishi kumoneka.

1 Yoano 5:1

Mweswawo wakufuliela ngwenyi, Yesu mwe Chilamwina yoze Zambi alakenyene, kali mwana wa Zambi. Yoze wakuzanga tata kakuzanga nawa mwanenyi.

Usolwelo 3:14

“Sonekena kanganda ka Chikungulwila cha mu limbo lia Laodisea ngwe: “Yoze uli Chibwe Kama Chenacho, chela wa kushishika kanda wamwenemwene, Ubutukilo wa yuma yeswe yize atangile Zambi kanambe ngwenyi:

Usolwelo 4:11

“Yena Mwene kanda Zambi yetu, kuwatela uhaliso, ni ulemu, ni ndundo. Mumu yena watangile yuma yeswe. Yuma yeswe kuyili ni mwono shina mumu ha upale we.”