Yoano 1:1 - Mukanda Wa Zambi 1970

¹ Ha Ubutukilo, muze te Zambi kanda achitanga yuma, Liji liabwile kulu. Lie Liji liabwile hamwe ni Zambi, ni Liji liabwile Zambi.

MUKANDA USANDU WA ZAMBI 1975

¹ Ha uputukilo hapwile Liji, ni Liji liapwile hamwe ni Zambi, ni Liji liapwile Zambi.

Yoano 1:1 Iomraidhean Croise

Ubutukilo 1:1

Ha Ubutukilo Mukulu Zambi yatanga lilu ni hashi.

Miaso (Masamu) 45:6

Wanangana uze akuhele Zambi, muulinduluka ndoo ku miaka yeswe ni miaka yeswe. Wakuyula Wanangana we ni ululi.

Izaya 7:14

Kashika Zambi iye mwene makwaha chilayi: umwe mwana pwo makasema mwana wa lunga ni kumuluka jina ngwo, Emanuele.

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Mateu 1:23

“Talenu mwana pwo yoze kanda achilimona ni lunga makabwa ni ufumba. Makasema mwana lunga, ni atu maakamuluka jina ngwo, Emanuele” (kulumbunuka, Zambi kali hamwe ni yetu).

Luka 24:53

Matangwa eswe yaabwabwa mu zuwo lia Zambi ni kuchichimieka Zambi.

Yoano 1:14

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Yoano 1:18

Mutu niumwe hanamono Zambi niumwe mwaka, alioze mwe Mwana, yoze uli ngwe chize abwa Zambi, yoze watwama hamwe ni Zambi Tata, mwenawo hanamusolola.

Yoano 1:2

Ha Ubutukilo Liji liabwile kulu hamwe ni Zambi.

Yoano 16:28

Nakatukile kuli Tata, hinguneza hano hashi. Haliabwila, ngunakatuka hashi hano ha kuya kuli Tata.”

Yoano 17:5

Tata, haliabwila muze nguli ku meso je, ngwehe uhenya uze nabwile nawo hamwe ni yena muze te hashi kanda habwa.

Yoano 20:28

Tomase ngwenyi: “Mwene wami, Zambi yami!”

Yoano 8:58

Yesu ngwenyi: “Chamwenemwene ngunanwambulwila ngwami, muze te Abrahama kanda achisemuka, ‘Yami Nguli.’ ”

A-ROMA 9:5

Kaali a ku Chikota cha tushakulu twetu. Nawa Kristu, nikulita ni uutu wenyi kali wa ku Chikota cho. Mwenawo kali helu lia eswe, tuhalisenu Zambi ku miaka yeswe. Chibwe kama Chenacho.

Efesu 3:9

ni kunyingikisa atu eswe ngwe chize mamanununa chijimbikilo chenyi. Zambi, yoze watangile yuma yeswe, wachihengekele ku shakulu,

Filipu 2:6

Uzambi wenyi te wa matangwa eswe, hindu kanyongene ko ngwenyi, chamutamba kulieseka kulita ni Zambi ku tachi.

Kolosu 1:15

Kristu, ku kumoneka chenyi, kanalifu ni Zambi yoze keshi kumoneka. Iye kanahiana yuma yeswe yize atangile Zambi.

Kolosu 1:17

Mwenawo te hanabu kulu muze yuma yeswe kanda yichibwa. Mu kulinunga nenyi yuma yeswe yize yatangiwile kanayifungu.

1 Timoteu 3:16

Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.

Titu 2:13

Utu uze wakutulongesa kushimbwila Tangwa lia uwahililo ku lize twakusa mbunge, muze uhenya wa Mukulu Zambi yetu kanda Chilamwina Yesu Kristu muukasoloka.

Hebreu 13:8

Yesu Kristu chizechene zau, ni musono, ni ndoo ku miaka yeswe.

Hebreu 7:3

Atu te kaanyingikine jina lia tato ya Melkizedeke, chibwe jina lia naye, chibwe jina lia umwe kashakulu kenyi. Te kaanyingikine kuze asemukinyine, chibwe kuze afwilile. Kali ngwe Mwana Zambi, kali hako wa miaka yeswe.

2 Petulu 1:1

Yami Simone Petulu, kavumbi ka Yesu Kristu kanda kanganda kenyi. Ngunanusonekena yenu waze hinunatayiza ufulielo ulemu ngwe uze wa yetu. Hinunautayiza ku ululi wa Zambi yetu ni Chilamwina Yesu Kristu.

1 Yoano 5:20

Tunanyingika ngwetu, Mwana Zambi haneza hano hashi, ni hanatwehe malinjekela hanga tunyingike Zambi yamwenemwene. Twakulinunga ni Zambi yamwenemwene ni Mwanenyi Yesu Kristu. Zambi kali Zambi yamwenemwene, ni kakuhana mwono wa miaka yeswe.

1 Yoano 5:7

Kukuli yela atatu:

Usolwelo 1:11

ngwenyi: “Yize unamono, yisoneke mu mukanda. Ukautume ku Yikungulwila yino shimbiali: Efesu, ni Smirna, ni Pergamu, ni Tiatira, ni Sardu, ni Filadelfia, ni Laodisea.”

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.

Usolwelo 1:2

Yami nguli chela cha yuma yize Zambi ambile ni Yesu Kristu ashindakenyene, mumu yami mwene nayimwene.

Usolwelo 1:8

Mwene Zambi, Mukwa Ndundo Jeswe, yoze kwali, yoze wabwile, yoze makeza, kanambe ngwenyi: “Yami nguli Alfa ni Omega.”

Usolwelo 19:13

Te kanazala hina lia kuchubika mu manyinga. Jina lienyi ngwo, Liji lia Zambi.

Usolwelo 2:8

“Sonekena kanganda ka mwilu wa Chikungulwila cha mu limbo lia Smirna ngwe: “Mwe mutangu ni mwe kasula songo, yoze wafwile ni wahindukile ku kufwa, kanambe ngwenyi:

Usolwelo 21:6

Yamba nawa ngwenyi: “Hiyamanunuka! Yami nguli Alfa ni Omega, nguli mwe kabutu ni lie songo. Yoze Unevu pwila mungumwaha meya a mu kasulo ka mwono, mungumwaha chawana.

Usolwelo 22:13

Yami nguli Alia ni Omega, mwe mutangu ni mwe kasulasongo, mwe kabutu ni lie songo.”

Usolwelo 3:14

“Sonekena kanganda ka Chikungulwila cha mu limbo lia Laodisea ngwe: “Yoze uli Chibwe Kama Chenacho, chela wa kushishika kanda wamwenemwene, Ubutukilo wa yuma yeswe yize atangile Zambi kanambe ngwenyi: