Yilinga 9:40 - Mukanda Wa Zambi 1970

⁴⁰ Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

MUKANDA USANDU WA ZAMBI 1975

⁴⁰ Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Yilinga 9:40 Iomraidhean Croise

1 MIANANGANA 20:11

Izaya yalemba kuli Mwene Zambi, neye yahilwisa chizulie yimanyino kumi ha ndalo yize atungile mwanangana Ahaze.

Mateu 6:6

Alioze yena, muze muulemba, njila mu chibatulo che cha muchima. Nyi muze hiwajila chajilo, lemba kuli Tatenu yoze uli ku tenga. Mba Tatenu, yoze Wakumona yize wakulinga ku tenga, makakukundulula.

Mateu 9:25

Muze hatuhwisa mbunga, Yesu yanjila mu chibatulo kuze abwile mwana pwo, yamukwata ku kwoko. Mwe mwana pwo yakatuka.

Marku 9:25

Yesu, ha kumona mbunga ni kukundama fuji, yakalumukina mwiku wa luchisa ngwenyi: “Yena mwiku wa kanaye kanda kafwa matwi, ngunakwambe ngwami, tuhuka muli iye. Kanda umunjila mo nawa.”

Luka 22:41

Mba Yesu yasenya kulutwe ngwe kachipinji ka kukonga cha liwe, yasa makungunwa hashi, yalemba

Luka 8:54

Alioze Yesu yamukwata ku kwoko, yahanjika ni liji linene ngwenyi: “Mwana, hinduka!”

Yilinga 20:36

Muze te hamba yuma yino, Paulu yasa makungunwa hashi hamwe ni ayo eswe, yalemba.

Yilinga 21:5

Muze hitwatwama matangwa shimbiali mu limbo lize, yitukatuka ni kuya mu jila yetu, ayo eswe, ni mapwo jo ni ana jo, yaatushinjikila ndoo haze lia limbo. Yitusa makungunwa hashi ku mbumbulu ya kalunga lwiji, yitulemba.

Yilinga 28:8

Tato ya Publiu te kanayiji yikola ya kachiki, ni kulokoka mu jimo. Paulu yanjila mu zuwo lienyi, yamulembela ni kumusa moko. Neye yahinduka.

Yilinga 7:60

Mba yasa makungunwa hashi nikukololoka ni liji linene ngwenyi: “Mwene, kanda walula kama mulonga uno alinga.” Muze te hamba maliji wano, yafwa kwenyi.