Yilinga 9:39 - Mukanda Wa Zambi 1970

³⁹ Petulu yakatuka, yaya no. Muze haaheta, yaamutwala ku chibatulo cha kwilu. Mapwo waze haanafwisa malunga yaamukundama nikulila, yaamulweza yikuto ni mahina waze Dorkase aatungilile muze te achili ni mwono.

MUKANDA USANDU WA ZAMBI 1975

³⁹ Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no.

Yilinga 9:39 Iomraidhean Croise

2 Samuel 1:24

“Mapwo mu Israele, lilenu mwanangana Saulu! Iye wanujikile mahina achila a lefuna, wanuhenyesene ni yuma ya uhenya ni oru.

Yishima 10:7

Kwiwuluka mukwa ululi kuwaha cho, alioze jina lia chingulungulu mulikatoka.

Longeshi 9:10

Uhondangana milimo ye yeswayo wakulinga, mumu muze muma lia afu kumushi milimo, chibwe kunyonga, chibwe chinyingi, chibwe mana; mwenamo muukaya.

Mateu 17:17

Yesu ngwenyi: “Mhmm! Ayenu, akwa kuyambashana, kunwabihia! Ndoo mwiji muka Changutamba kubwa hamwe ni yenu? Ndoo mwiji muka Changutamba kulihumikiza ni yenu? Ngunehenenu mwe mwana!”

Mateu 26:11

Mumu yiswale munukabwa no matangwa eswe, alioze kunuchi kubwa ni yami matangwa eswe.

Marku 14:8

Halinga chize hahasa kulinga. Hawayisa mujimba wami ni maji, haululika ha kuufunda.

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Yoano 12:8

Yiswale munukabwa no matangwa eswe, alioze kunuchi kabwa ni yami matangwa eswe.”

Yoano 17:12

Muze ngunakabwa hamwe no, ngunakaafunga mu chiyulo cha jina lie, jina lize wanguhele. Ngunakaafunga kanawa. Niumwe wa kuli ayo Watokele, shina yoze mukwa kutoka, hanga Mukanda wa Zambi umanunuke.

Yilinga 1:13

Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

Yilinga 20:35

Mu yuma yeswe nanuhele chilweza cha kuhondangana ha kukwasa waze keeshi tachi, nikwiwuluka liji lize ambile Yesu ngwenyi: ‘Chinawaha kutambula, alioze Shinaho kulialia.’ ”

Yilinga 6:1

Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

Yilinga 8:2

Amwe akwa kuwayila Zambi yaafunda Estevau (Etienne), yaamulila mbimbi chikolo.

Yilinga 9:41

Petulu yamukwata ku kwoko, yamukatwisa. Mba yatambika akwa kufuliela ni mapwo waze haanafwisa malunga, yaakunjika yo ni mwono.

2 Korintu 8:12

Mumu, nyi mutu mazanga kuhana chawana, Zambi matayiza chawana chenyi nikulita ni chize ali nacho, hi nikulita ko ni chize keshi nacho.

Efesu 4:28

Mutu yoze te wakwiya, alitwamine kwiya, abutuke kulinga milimo, mba mayukisa mwono wenyi ha kubwa ni yuma yinazuku ya kukwasa nayo yiswale.

1 Tesalonika 1:3

Twakunwiwuluka ku meso ja Zambi Tata yetu chize nwakulinga nikulita ni ufulielo wenu, ni chize nwakuhondangana mumu ha zango lienu, ni chize nwakulihumikiza nikusa mbunge kuli Mwene wetu Yesu Kristu.

1 Tesalonika 4:13

Akwetu, tunazange nunyingike umwenemwene hakutwala kuli waze haanafu, hanga kunuchi kwivwa yinyengo, ngwe atu waze keeshi kusa mbunge kuli Zambi.

1 Timoteu 5:3

Lweza vumbi kuli twamishi amwenemwene, waze haanafwisa malunga.

1 Timoteu 5:5

Twamishi wamwenemwene, yoze hanafwisa lunga, nyi keshi chikwashi, kakusa mbunge yenyi kuli Zambi, keshi kulitwamina kulemba ni kuliumba kuli Zambi ufuku ni mwalwa ha kumukwasa.

1 Yoano 3:18

Ana jami, kanda tulizanga ni kanwa wika, alioze chatutamba kulizanga ni umwenemwene uze wakumoneka mu yitanga yetu.