Yilinga 9:3 - Mukanda Wa Zambi 1970

³ Mba ha kuya ku Damasku, muze te anakundama ku limbo lize, susumuku pangu lia mwilu yilimupangukila.

MUKANDA USANDU WA ZAMBI 1975

³ Shimbu machenda mu wenyi, wakundamine ku Ndamaseku: susumuku mwahenyene pangu mwilu ha kumujingilika.

Yilinga 9:3 Iomraidhean Croise

Miaso (Masamu) 104:2

Wakulifuka pangu ngwe blankete. Hiunatandulula lilu ngwe zuwo lia makubu.

Yilinga 22:6

“Muze nendele mu wenyi nikukundama ku Damasku, tangwa ha muchima, susumuku pangu ha mwilu yilingupangukila.

Yilinga 9:17

Mba Anania yaya, yanjila mu zuwo, yasa moko hali Saulu, ngwenyi: “Mukwetu Saulu, Mwene wangutumanga, mwe Yesu yoze unakatakana mu jila. Hangutuma hanga umone, ni hanga uzale ni Mwiku wa Linanga.”

Yilinga 9:27

Alioze Barnaba yamwanda nikumutwala kuli tunganda twa Yesu, yaalumbunwina ngwe chize Saulu atakanyine ni Mwene Yesu mu jila, ni ngwe chize Yesu ahanjikile nenyi, yaalweza nawa chize alongesele ni hamu mu jina lienyi mu Damasku.

1 Korintu 15:8

Hakusula yangusolokela yami, chibwe nguli ngwe mwana wa kuselumuna.

1 Korintu 9:1

Yami hi nguli mukwa kutusuka ko, nyi? Hanji hi nguli kanganda ka Yesu ko, nyi? Hanji Chamwene Yesu, Mwene wetu, nyi? Hi nuli mihuko ya milimo yami ko, yize nakulingila Mwene, nyi?

1 Timoteu 6:16

Iye wika keshi kufwa. Katwama mu pangu lize mutu niumwe kahashile kukundama mo. Mutu niumwe kanda amumona kama nilimwe tangwa, niumwe mahasa kumumona. Iye chamutamba kubwa ni ulemu ni ndundo ku miaka yeswe! Chibwe kama Chenacho.

Usolwelo 21:23

Limbo kulishi kufupa tangwa hanji kakweji ha kulitemwina, mumu uhenya wa Zambi wakulitemwina, ni mwe Mwana Panga kali ndeya yalio.

Usolwelo 22:5

Kukuchi kabwa nawa ufuku. Keechi kafupa nawa pangu lia ndeya, chibwe lize lia tangwa, mumu Mwene Zambi makazukwila pangu lienyi hali ayo. No maakayula ku miaka yeswe ni miaka yeswe.