Yilinga 9:21 - Mukanda Wa Zambi 1970

²¹ Eswe waze amuvwile, yaalishimwoka nikwamba ngwo: “Haa puu! Mutu awu hi yoze ko washihile mu Yerusaleme waze te akufuliela jina lia Yesu, nyi? Ni kuno kejile ko akaatwale a kukasa kuli mahako a lutwe, nyi?”

MUKANDA USANDU WA ZAMBI 1975

²¹ Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe.

Yilinga 9:21 Iomraidhean Croise

Miaso (Masamu) 51:13

Mba mungulongesa yivulumunyi Shimbi je, hanga atewulukile kuli yena.

Miaso (Masamu) 71:7

Mwono wami uli chilweza kuli atu anji, mumu yena uli chiswamo chami cha tachi.

Izaya 8:18

Hano nguli hamwe ni ana waze Zambi hanangwehe. Mwene Zambi Mukwa Ndundo Jeswe, yoze ukwete chitwamo chenyi ha mulundu wa Zione, hanatutumu tubwe akwa sango kuli atu ja Israele.

Zakaria 3:8

Yena Yoshua, mwata wa mahako, banjika! Yenu mahako waze nwalinga nenyi, waze nuli chilayi cha yiwape yize muyiza ho, banjikenu! Mungunusolwela kavumbi kami yoze akuvuluka ngwo, Mwe Mutango!

Kwalula 23:23

Kuli Aisraele chibwe wanga chibwe ngombo kuyichi kulinga nichimwe, unalikatalisa tuhu. Atu kumaahanjika hakutwala kuli Aisraele ngwo: “Talenu chize Zambi halinga!”

Yilinga 2:12

No eswe yaakomoka, yaakakashana nikulihula ngwo: “Ayiyene yika?”

Yilinga 2:6

Muze te heevwa zungo lize, mbunga yaalikungulula. Eswe yaakakashana, mumu mutu ni mutu yevwa akwa kufuliela nikuhanjika mu liji lienyi mwene.

Yilinga 3:10

Yaamusa chinyingi ngwo, yono mwe uze te wakutwaminyina yawana ku Chikolo Chibema cha ku zuwo lia Zambi. No yaakomoka, yaalishikishila ha chize amulingile.

Yilinga 4:13

Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

Yilinga 7:59

Muze te anamwase mawe, Estevau (Etienne) yakololoka ngwenyi: “Mwene Yesu, tambula kama mwono wami.”

Yilinga 8:3

Alioze Saulu yeseka kwonona Chikungulwila, yanjila mu zuwo ni zuwo, yatuhwisa malunga ni mapwo haze, yaasa mu zuwo lia lamba.

Yilinga 9:22

Hindu Saulu yahiana tachi mu kwambujola chenyi, yakomwesa Ayuda waze te atwama mu Damasku. No kaahashile ko kumukumbulula muze waalumbununwine ngwenyi: “Yesu mwe Chilamwina yoze Zambi alakenyene.”

2 A-TESALONIKA 1:10

Chino muchikabwa muze makeza ha tangwa lize atu jenyi maakamuhalisa ni akwa kufuliela eswe maakamulemesa. Ni yenu nawa munukabwa mukachi ko, mumu hinunafuliela Sango jize twanulongesele.

1 Yoano 3:1

Talenu chize Tata hanatuzange! Kakutuvuluka ngwenyi, ana jenyi. Chamwenemwene tuli ana ja Zambi. Akwa hashi kaatunyingikine ko, mumu kaanyingikine Zambi.