Yilinga 9:16 - Mukanda Wa Zambi 1970

¹⁶ Yami mwene mungukamulweza lamba lize chamutamba kumona mumu ha jina liami.”

MUKANDA USANDU WA ZAMBI 1975

¹⁶ mumu mungukamulweza lamba lize linji chamutamba kwivwa mumu ha jina liami.

Yilinga 9:16 Iomraidhean Croise

Izaya 33:1

Akwa kole jetu lamba lio! Haanabubu yuma ya atu, haanakunjika akwo ni mafwefwe, chibwe niumwe kabubile yuma yo ni kaakunjikile ni mafwefwe. Alioze tangwa lio lia kububa ni kuhanjika mafwefwe mulikasula, ayo ene maakabwa akwa yitela ni no maakaabuba kuli atu akwo, maakaakunjika ni mafwefwe.

Mateu 24:9

“Hohene atu maakanukwata, maakanumwesa lamba, maakanushiha. Eswe maakanuvutwokela mumu ha jina liami.

Mateu 5:11

“Kunwawaha muze atu maanuchoka, ni muze maanuhungumiona, ni muze maanulamikiza ungulungulu mumu hali yami.

Yoano 15:20

Iwulukenu maliji waze nanwambile ngwami: ‘Ndungo niumwe mahiana mwata wenyi.’ Nyi haananguhungumiona, ni yenu nawa maakanuhungumiona. Nyi haanonokena longeso liami, maakononokena nawa longeso lienu.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 21:11

Neye yeza kuli yetu, yanda muya wa Paulu, yalijichika molu ni moko, mba yamba ngwenyi: “Mwiku wa Linanga unambe ngwenyi, chechize Ayuda ku Yerusaleme maakajichika mwenya muya uno, mba maakamukunjika kuli yilambala.”

Yilinga 21:13

Alioze yakumbulula ngwenyi: “Kuchi nunalingi, nikulila, nikungulezumuna? Hinalilulika hi kukashiwa wika ko, alioze chibwe kufwa ku Yerusaleme mumu hali Mwene Yesu.”

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 9:14

Kezanga kuno ku Damasku ni chiyulo kuli mahako a lutwe cha kukwata eswe waze akufuliela jina lie.”

Yilinga 9:6

Alioze katuka unjile mu limbo. Kwenako maakakwambulwila chize Chakutamba kulinga.”

2 Korintu 6:4

Alioze ha yuma yeswe yize twakulinga, twakusoloka ngwetu, tuli tuvumbi twa Zambi. Twakulihumikiza ni uhomboloji mu lamba, ni mu luyinda, ni mu yinyengo.

1 Tesalonika 3:3

hanga niumwe wa kuli yenu kechi kukokoloka mu yihungumiona yino. Nunanyingika yenwene ngwenu, yihungumiona yino yili upale wa Zambi hali yetu.

2 Timoteu 1:12

Kashika, chibwe nakumona lamba lino, hindu Chishi kwivwa sonyi mumu ngunanyingika kanawa yoze nakufuliela, ni ngunanyingika pundu ngwami, kanahase kufunga chize angukunjikile ndoo ku Tangwa lize.

2 Timoteu 3:11

Unanyingika nawa chize atu akunguhungumiona, ni lamba likwo lize nakumona. Unanyingika yuma yeswe yize yanguwanyine ku limbo lia Antiokia, ni ku membo ja Ikoniu ni Listra, yihungumiona yize nanyongonwene nayo. Alioze Mwene yangupulula ku yuma yize yeswe.

1 Petulu 4:14

Kunwawaha muze atu maanuchoka mumu nuli akwa Kristu. Mumu chinalumbunuka ngwo, Mwiku wa uhenya wa Zambi kuwatwama muli yenu.

Usolwelo 1:9

Yami, mukwenu Yoano, mu kulinunga ni Yesu nakumona lamba hamwe ni yenu. Tuli mu Wanangana wenyi, yetu eswe twakulihumikiza mu lamba. Haananguse mu tungu lize akuluka ngwo, Patmu, mumu te nakulongesa maliji a Zambi ni umwenemwene uze angulwezele Yesu.