Yilinga 9:15 - Mukanda Wa Zambi 1970

¹⁵ Alioze Mwene yamwamba ngwenyi: “Yako, hingunamutongola ha kunyingikisa jina liami kuli waze hi Ayuda ko, ni kuli mianangana jo, ni kuli Aisraele.

MUKANDA USANDU WA ZAMBI 1975

¹⁵ Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

Yilinga 9:15 Iomraidhean Croise

Jeremia 1:5

“Nakutongwele shimbu te kanda uchisemuka, muze te kanda uchisemuka nakuselele kubwa mukwa munanyi kuli mavungu.”

Jeremia 1:7

Alioze Mwene Zambi yamwamba ngwenyi: “Kanda wamba ngwe, nguchili mukweze, alioze yako kuli atu waze ngunakutumu, waalweze yuma yeswe yize mungukulweza.

Mateu 10:18

Maakanukunjika ku meso ja akwa lutwe ni mianangana mumu hali yami, ha kwashindakenya Sango Jibema ni waze hi Ayuda ko.

Yoano 15:16

Yenu kunwangutongwele, alioze yami nanutongwele. Nanusele hanga nukeme mihuko yize muyikalinduluka. Chenacho Tata makanwaha cheswacho munuketa mu jina liami.

Yilinga 13:2

Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

Yilinga 21:19

Muze Paulu haameneka, yaambulwila mwazu yuma yeswe yize Zambi alingile hakachi ka waze hi Ayuda ko hakutwala ku milimo yenyi.

Yilinga 22:14

Neye yamba ngwenyi: ‘Zambi ya tushakulu twetu hanakutongola hanga unyingike upale wenyi, hanga umone mwe Mukwa Ululi, ni kwivwa liji lienyi.

Yilinga 22:21

Mwene yangwamba ngwenyi: ‘Yako, mumu kusuku mungukakutuma kuli waze hi Ayuda ko.’ ”

Yilinga 25:22

Agripa yambila Festu ngwenyi: “Ni yami nawa ngunazange kwivwa yono mutu.” Festu ngwenyi: “Hamene muukamwivwa.”

Yilinga 26:1

Agripa yambila Paulu ngwenyi: “Hinakutayiza ulihanjikile yena mwene.” Mba yolola kwoko lienyi, yalisambisa ni maliji wano ngwenyi:

Yilinga 26:32

Agripa yambila Festu ngwenyi: “Mutu yono, nyi kechile mwanangana wa Aroma abatule milonga yenyi, kachi te twamutusula.”

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Yilinga 28:17

Muze matangwa atatu haabalika, Paulu yatambika akwa lutwe ja Ayuda. Muze haalikungulula, yaamba ngwenyi: “Akwetu, chalingile chibi nichimwe kuli usoko wetu Ayuda, hanji hakutwala ku ndako ja tushakulu twetu. Hindu yaangukwata ku Yerusaleme, yaangukunjika kuli Aroma.

Yilinga 28:28

Paulu yawezela maliji ngwenyi: “Nyingikenu ngwenu, liji lia ulamwino hilinatumiwa kuli waze hi Ayuda ko. No maakalivwa.” (

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

A-ROMA 1:5

Mu jina lia Yesu, Zambi hanangwehe vumbi ngukabwe kanganda ka Kristu, hanga ngukanehe atu a ku mavungu eswe akamufuliele ni kumwononokena.

A-ROMA 11:13

Haliabwila ngunahanjika kuli yenu hi Ayuda ko. Ngwami, nguli kanganda ka Yesu kuli yenu. Nakuwahilila ha milimo yami.

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

1 Korintu 9:16

Chahashile kulisambisa mumu nakwambujola Sango Jibema, mumu Changutamba kuchilinga. Lamba kuli yami nyi chambujolele Sango Jibema!

Galashia 1:1

Yami, Paulu, ngunanusonekena mukanda uno. Yesu Kristu ni Tata Zambi, yoze wamuhindwishile ku kufwa, hanangupwisa kanganda. Hi atu ko angupwishile kanganda, chibwe hi nguli kanganda ko wa kutongola cha mutu.

Efesu 3:1

Kashika, ngunaliumbu kuli Zambi, yami Paulu, funge ya Yesu Kristu mumu hali yenu hi Ayuda ko.

1 Timoteu 2:7

Kashika Zambi hanangutumu kubwa kanganda ni longeshi ya waze hi Ayuda ko, ha kwambujolela liji lia ufulielo ni liamwenemwene. Chahanjikile mahuza, ngunahanjika umwenemwene!

2 Timoteu 1:11

Zambi hanangwehe yilemu ya kwambujola Sango Jibema ngwe kanganda ni longeshi.

2 Timoteu 2:4

Kajita yoze wakulinga milimo yibema keshi kunjila mu milonga yize kuyishi kulita ni milimo yenyi, mumu kakuzanga kubemena kuli mwata wenyi.

Usolwelo 17:14

Wano maakasa jita ni Mwana Panga. Alioze Mwana Panga, hamwe ni atu jenyi waze atambikile, waze atongwele, akwa kushishika, maakakumba. Mumu iye kali Mwene wa ene eswe ni Mwanangana wa mianangana eswe.”