Yilinga 9:11 - Mukanda Wa Zambi 1970

¹¹ Mwene ngwenyi: “Katuka, uye mu jila yize akuvuluka ngwo, Jila Yalulama. Yako ku zuwo lia umwe mutu, jina lienyi Yuda. Uhule mutu wa ku Tarsu, jina lienyi Saulu—kanalembe.

MUKANDA USANDU WA ZAMBI 1975

¹¹ Mwene wambile kuli iye ngwenyi, Katuka, uye ku tapalo lize jina lialio, Lialulama, ukafupe mu zuwo lia Yundase umwe jina lienyi Saulu, wa ku Tarsu: mumu kanalembe;

Yilinga 9:11 Iomraidhean Croise

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Yishima 15:8

Mwene Zambi kakuwahilila muze akwa ululi maalemba, alioze kakuvutwokela milambu ya yingulungulu.

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Yoano 4:10

Yesu ngwenyi: “Ehee! Nyi kuwanyingika chawana chize Zambi akuhana kuli atu, nawa nyi kuwanyingika yoze unakwichi meya a kunwa, kachi wamwita, neye makwaha meya a mwono.”

Yilinga 11:13

Neye yatulumbunwina ngwe chize amwene kanganda ka mwilu mu zuwo lienyi, te kanamana nikwamba ngwenyi: ‘Tuma atu ku Jope akusakile Simone, jina lienyi likwo Petulu.

Yilinga 11:25

Hohene Barnaba yaya ku limbo lia Tarsu nikufupa Saulu.

Yilinga 2:21

Hohene mweswawo malemba ngwenyi, Mwene ungulamwine kama, mamulamwina.’

Yilinga 21:39

Paulu ngwenyi: “Yami nguli Kayuda wa ku Tarsu mu chifuchi cha Silisia. Nguli mwenya limbo ha lufuma. Ngutayize kama ngunakulembe nguhanjike ni atu.”

Yilinga 22:3

“Yami nguli Kayuda. Nasemukine mu Tarsu, limbo ha mu chifuchi cha Silisia. Alioze yaangulelela mu limbo lino. Gamaliele mwe wangulongesele kanawa Shimbi ja tushakulu twetu. Nalihanyine kuli Zambi ngwe chize nwakulihana yenu musono.

Yilinga 8:22

Lemba Mwene Zambi, nyi muchilita, akukonekene kama nyonga lia mbunge ye.

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

Yilinga 9:30

Muze akwa kufuliela haachivwa, yaatwala Saulu ku limbo lia Sesareai nikumutuma ku limbo lia Tarsu.

Shimbi 4:29

Kwenako munukafupa Mwene Zambi, Zambi yenu. Nyi ngwe munukamufupa ni mbunge jeswe, kachi munukamuwana.