Yilinga 8:9 - Mukanda Wa Zambi 1970

⁹ Alioze mu limbo lize yimubwa mutu umuwika, jina lienyi Simone. Yashimwokesa Asamaria ha shimbu lisuku ni tufutafuta twenyi, neye yalialula kubwa mutu munene.

MUKANDA USANDU WA ZAMBI 1975

⁹ Alioze kwapwile umwe lunga, jina lienyi Semone, yoze matangwa a kunyima mu limbo walingile ni tufutafuta, washimine vungu lia Samaria ngwenyi, Yami mutu munene:

Yilinga 8:9 Iomraidhean Croise

Kutuhuka 7:11

Alioze mwanangana yatambika akwa mana ni akwa kulinga yipupu, no yaalinga chizechene ni mana jo.

Kutuhuka 7:22

Akwa kulinga yipupu a mu Egiptu yaalinga chizechene ni mana jo, mba mbunge ya mwanangana yiikala. Hikevwilile ko Mose ni Arane, ngwe chize ambile Zambi.

Kutuhuka 9:11

Akwa kulinga yipupu kaahashile ko kuheta ku meso ja Mose mumu ni ayo nawa yaakwachika yivunda ngwe atu akwo eswe a mu Egiptu.

Alevi 20:6

“Nyi umwe mahula mana kuli akwa mahamba ni kuli tahi, mungulimika nenyi, chichi kumwalula nawa mukachi ka atu jami.

Yoano 7:18

Mutu yoze wakuhanjika mu chiyulo chenyi mwene, kakufupa lufuma wenyi mwene. Alioze yoze Wakufupa lifuma wa yoze wamutumine, kakuhanjika umwenemwene, keshi kaliongelo.

Yilinga 13:6

Yaabalika mu tungu lieswe ndoo ku limbo lia Pafo Yaawana mo umwe lunga, Kayuda, jina lienyi Bar-Yesu, mukwa munanyi wa mahuza te mukwa kulinga tufutafuta.

Yilinga 13:8

Alioze mukwa kulinga tufutafuta, Elima (lie jina lienyi mu greke), yamanangana no, yazanga kukwika mukwa kuyula ku ufulielo.

Yilinga 5:36

Mumu miaka kanda yichoka muze kwasolokele Teuda yoze wambile ngwenyi: ‘Nguli munene.’ Atu ngwe kulakaji jiwana akawile longeso lienyi. Alioze atu akwo yamushiha, ni waze eswe te akumukaula yaamwangashana, kukwasalile niumwe.

Yilinga 8:11

Te kaakumwivwa mumu hasuku achijile ni kwonga ni tufutafuta twenyi.

2 A-TESALONIKA 2:4

Makalimika ni yize akukombelela atu ni yize yeswe atu akunyonga ngwe ya uzambi. Makalizundula ha yize yeswe. Makaya ni kutwama mu zuwo lia Zambi nikulilweza ngwenyi: “Yami, mwe Zambi.”

2 Timoteu 3:2

Mumu atu maakabwa akwa kulizanga ene, akwa lwahu wa mbongo, akwa kulisamba, akwa kulisuta, akwa kushililika, yihulia kulia yisemi jo, akwa kaleleso hakutwala kuli atu ni kuli Zambi.

2 Timoteu 3:5

Maakasoloka ku meso ja atu ngwe kaakuwayila Zambi, alioze mu mbunge jo kaakulituna tachi jamwenemwene ja Zambi. Lihandunune ni atu waze.

2 Petulu 2:18

Kaakuhanjika maliji a kulengumuka ni a uhepuke. Ni usolo wo ubi kaakulimbwisa waze anomboka shimbu lizeliene mukachi ka atu waze haanapianguka.

Usolwelo 22:15

Alioze waze akulinga yuma ya sonyi, ni akwa kupanda wanga, ni yitanji, ni akwa kushiha atu ni akwa kukombelela mahamba, ni akwa mahuza mu maliji ni mu yitanga, ayo eswe keechi kabwa mu limbo lize, alioze haze!