Yilinga 8:5 - Mukanda Wa Zambi 1970

⁵ Filipe yaya ku limbo lia mu Samaria, yambujola Sango ja Chilamwina yoze Zambi alakenyene.

MUKANDA USANDU WA ZAMBI 1975

⁵ Fwilipe wapalumukine ku limbo lia Samaria, wambujolele Kristu kuli ayo.

Yilinga 8:5 Iomraidhean Croise

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 21:8

Muze hikwacha, yituya, yituheta ku limbo lia Sesarea yitunjila ni kutwama mu zuwo lia Filipe, mukwa kwambujola Sango Jibema, te wa hakachi ka atu shimbiali waze atongwele ku Yerusaleme ha kukwasa tunganda.

Yilinga 5:42

Mba tangwa ha tangwa kaalitwaminyine ko kulongesa mu zuwo lia Zambi ni mu mazuwo ja atu, nikwambujola Sango Jibema jakutwala kuli Yesu, Chilamwina yoze Zambi alakenyene.

Yilinga 6:5

Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

Yilinga 8:30

Filipe yazomboka fuji, yamwivwa nikutanga mukanda wa mukwa munanyi Izaya. Yamuhula ngwenyi: “Kuunevu yize unatange, nyi?”

Yilinga 8:40

Filipe yasolokela ku limbo lia Azoto. Mba yabalika mu limbo ni limbo nikwambujola Sango Jibema kweswe, ndoo yaheta ku Sesarea.

Yilinga 8:6

Mbunga yaabanjika longeso lia Filipe ni mbunge yimuwika, yaamona yipupu yize te akulinga.

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

1 Korintu 1:23

Alioze yetu twakwambujola Kristu yoze ahachile ha kulusu. Sango jino jakutalingisa Ayuda, ni jinamoneka ngwe uhepuke kuli waze hi Ayuda ko.

1 Korintu 2:2

Mumu, muze nabwile hakachi kenu, nabatwile kuvulama yuma yeswe yikwo, ni kunyonga lume chikuma cha Yesu Kristu, yoze ahachile ha kulusu.

1 Korintu 3:11

Mumu, chamwenemwene, Zambi hanase Yesu Kristu ye fundamentu. Niumwe kahashile kusa fundamentu yikwo.