Yilinga 8:39 - Mukanda Wa Zambi 1970

³⁹ Muze haatuhuka mu meya, Mwiku wa Linanga yiuzundula Filipe. Kafufuchi kamwene ko nawa Filipe, alioze yaya ni uwahililo mu jila yenyi.

MUKANDA USANDU WA ZAMBI 1975

³⁹ Muze atutukile mu meya, Spiritu ya Mwene wapindumwine Fwilipe; unuku kamumwene nawa, mumu wayile kwenyi nikuwahilila.

Yilinga 8:39 Iomraidhean Croise

1 Yitanga Ya Mianangana 18:12

Muze munguya, nyi Mwiku wa Mwene Zambi muunutwala kuze Chanyingikine, muze mungumwambulwila mwanangana sango jenu, alioze kechi kunuwana, iye mangushiha. Iwulukenu ngwenu, chize ku wanuke wami nakuwayila Mwene Zambi.

1 MIANANGANA 2:16

nikwamba ngwo: “Hano tuli malunga makumi atano a tachi. Tutayizenu tuye ni kufupa mwene wenu. Hanji Mwiku wa Mwene Zambi hiwamutwala kweka, hamusa ha mulundu hanji mumwe mu chikulo.” Elisha ngwenyi: “Ka, kanda nuya.”

Miaso (Masamu) 119:111

Longeso lie lili nihami ndoo ku miaka yeswe, kuliakunguwahilisa.

Miaso (Masamu) 119:14

Nakuwahilila ni kukaula Shimbi je, hi ubite ko.

Izaya 61:10

Yerusaleme kanawahilila ha yize Mwene Zambi hanalingi. Kali ngwe nandungi yoze hazala mahina a umbachiso. Zambi hanamujiki mahina a ulamwino ni ululi.

Ezekiel 11:1

Mwiku wa Mwene Zambi yiunguzundula, yiungutwala ku chikolo cha zuwo lia Zambi ku chivumbuko. Hehi ni che chikolo yingumona ko malunga makumi aali ni atano. Jazania mwana wa Azure ni Pelatia mwana wa Benaya, miata aali a lie vungu, yaabwa mukachi ko.

Ezekiel 11:24

Mu Usolwelo, Mwiku wa Zambi yiunguzundula, yiunguhilwisa mu chifuchi cha undungo mu Babilonia. Mba we Usolwelo yiujimuka,

Ezekiel 37:1

Mwene Zambi yangukwata ni tachi, mba Mwiku wenyi yiunguzundula, yiungusa mu chimwe chikulo chize alumbikile yifwaha yumu ya atu.

Ezekiel 43:5

Mwiku wa Mwene Zambi yiunguzundula, yiungutwala mu yiize ya muchima ya zuwo lia Zambi, mwenamo namwene chize uhenya wa Zambi unazalisa lie zuwo.

Ezekiel 8:3

Yazoza Chuma chalifwa ngwe kwoko, yangukwata ku kambu. Mu Usolwelo uze Mwiku wa Zambi yiunguzundula mu tetela, yiungutwala ku limbo lia Yerusaleme. Yiungutwala ku chikolo cha ku norde cha yiize ya muchima ya zuwo lia Zambi. Mwenamo mwabwile umwe hamba yoze te wakuvwisa Zambi ufwatulo.

Mateu 13:44

“Wanangana wa mwilu walifwa nawa ngwe ubite uze wakuhengeka mu munda. Mutu yawana ubite uze, yausweka, yawahilila, yaya ni kulanjisa yeswe yize abwile nayo, yahiluka, yalanda munda uze.”

Mateu 3:16

Muze Yoano hamupapachisa, Yesu yatutuka mu meya. Ha shimbu lizeliene mwilu yimwazulukila. Neye yamona Mwiku wa Zambi nikumuhulumukina ngwe liembe.

Marku 1:10

Shimbu lize te Yesu anatutuka mu meya, yamona lilu linazuluka ni tachi. Mwiku wa Linanga yiumuhulumukina ngwe liembe.

Yilinga 13:52

Alioze tumbaji a ku Antiokia yaawahilila kuhiana, yaazala ni Mwiku wa Linanga.

Yilinga 16:34

Neye yaakandwisa ku zuwo lienyi, yaaha yakulia, yawahilila kuhiana hamwe ni akwa zuwo lienyi eswe, mumu haafuliela Zambi.

Yilinga 8:29

Mwiku wa Linanga yiwambila Filipe ngwenyi. “Kundama ku temba lino.”

Yilinga 8:38

Yamanyisa temba lienyi. Eswe aali yaanjila mu meya, mba Filipe yamupapachisa.

Yilinga 8:8

Akwa limbo lize yaawahilila kuhiana.

A-ROMA 5:2

Mumu ha ufulielo wetu, Yesu hanatunehena utu wa Zambi, utu uze tuli nawo haliabwila. Twakuwahilila mumu twakusa mbunge ha kubwa ni Chihanda mu uhenya wa Zambi.

Filipu 3:3

Mumu yetu, tuli ngalami amwenemwene, hi ngwe ayo ko, mumu twakuwayila Zambi ku tachi ja Mwiku wenyi, twakulisamba mu kulinunga chetu ni Kristu Yesu. Kutushi kufuliela ndako ya uutu.

Filipu 4:4

Wahililenu matangwa eswe mu kuliendela ni Mwene Yesu. Ngunambe nawa ngwami, wahililenu!

Tiangu (Jake) 4:16

Alioze haliabwila nwakulizata ni nwakulisamba. Kulisamba cheswe ngwe chize chili chibi.