Yilinga 8:36 - Mukanda Wa Zambi 1970

³⁶ Muze te anayi mu jila, yaaheta ku amwe meya, mba kafufuchi yamba ngwenyi: “Talenu meya, yika yinanguvumu ha kungupapachisa?” [

MUKANDA USANDU WA ZAMBI 1975

³⁶ Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

Yilinga 8:36 Iomraidhean Croise

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Mateu 3:6

Yaashikisa milonga yo, mba Yoano yaapapachisa papachisa mu lwiji Yordau.

Yoano 3:23

Yoano neye yapapachisa atu ku Enone hakamwihi ni Salimi, mumu kuze kwabwile meya anji. Atu te kaakwiza kuli iye, mba yaapapachisa.

Yoano 3:5

Yesu ngwenyi: “Chamwenemwene ngunakwambulwila ngwami, niumwe mahasa kunjila mu Wanangana wa Zambi, shina masemuka ku meya ni ku Mwiku wa Linanga.

Yilinga 10:47

“Atu wano hatambula nawa Mwiku wa Linanga ngwe yetu. Umwe mahasa kutukinda ha kwapapachisa ni meya, nyi?”

Yilinga 8:37

Filipe ngwenyi: “Nyi unafuliela ni mbunge ye yeswe, muchilita.” Neye yamukumbulula ngwenyi: “Ngunafuliela ngwami, Yesu Kristu mwe Mwana Zambi.”]

1 Yoano 5:6

Yesu Kristu haneza ni meya ja upapachiso wenyi ni manyinga a kufwa chenyi. Kejile ko ni meya wika, alioze ni meya ni manyinga. Mwiku wa Linanga wakushindakenya, ni Mwiku wakuhanjika umwenemwene.