Yilinga 8:30 - Mukanda Wa Zambi 1970

³⁰ Filipe yazomboka fuji, yamwivwa nikutanga mukanda wa mukwa munanyi Izaya. Yamuhula ngwenyi: “Kuunevu yize unatange, nyi?”

MUKANDA USANDU WA ZAMBI 1975

³⁰ Fwilipe wazombokele kuli iye, wamuvwile kutanga mukanda wa profeta Izaia, wambile ngwenyi, Unanyingika chize unatange, nyi?

Yilinga 8:30 Iomraidhean Croise

Miaso (Masamu) 119:32

Mungufunga kanawa Shimbi je, mumu yena muunguweza mana.

Longeshi 9:10

Uhondangana milimo ye yeswayo wakulinga, mumu muze muma lia afu kumushi milimo, chibwe kunyonga, chibwe chinyingi, chibwe mana; mwenamo muukaya.

Mateu 13:19

Waze akubanjika ku longeso lia Wanangana wa Zambi, alioze kulialumbunukine, kaalifwa ngwe sesa lia jila kuze kwakuholokela mbuto. Sakwonga kakwiza ni kuchanga yize akuwile mu mbunge jo.

Mateu 13:23

Atu akwo akutambula mbuto ha mavu abema. Kaakwivwa longeso, kaakulinyingika pundu, kaakwima mihuko, amwe kulakaji, akwo makumi asambano, akwo makumi atatu.”

Mateu 13:51

Yesu yaahula ngwenyi: “Yuma yino nwayivwa kanawa, nyi?” No yaamukumbulula ngwo: “Ewa.”

Mateu 15:10

Yesu yatambika mbunga, yaamba ngwenyi: “Banjikenu, chika nulumbunukine ngwami,

Mateu 24:15

“Munukamona: ‘Chipupu cha Kuvwisa Woma’, chinamana muma mwa chijila yoze Zambi ambile kuli mukwa munanyi wenyi Daniel.” (Yoze wakutanga ase yuma yino chinyingi!)

Marku 13:14

“Muze munukamona ‘Chipupu cha Kuvwisa Woma’, chinamana kuze kuchatambile kumana, (Yoze wakutanga ase yuma yino chinyingi!), hohene waze maakabwa mu Yudea chaatamba kuchinyina ku milundu.

Yoano 4:34

Yesu yaamba ngwenyi: “Yakulia yami yino: Kwononokena upale wa yoze wangutumine ni kumanununa milimo yize anguhele kulinga.

Yoano 5:39

Nwakuhengula mu Mukanda wa Zambi, mumu mwenamo nunashinginyeka kubwa ni mwono wa miaka yeswe. Wenawo wakungushindakenya.

Yilinga 8:27

Filipe yakatuka, yaya. Kuma mu jila yamona umwe mutu, Aetiopia, wakutunguna, kafufuchi ka mwanangana wa pwo Kandase, wa ku chifuchi cha Etiopia. Mwenawo te wakulama ubite wenyi weswe. Te ku Yerusaleme anakatuka, kwe ayile ni kuwayila. Muze anahiluka ku mahio, yatwama mu temba lienyi nikutanga mukanda wa mukwa munanyi wa Zambi, Izaya.

Yilinga 8:29

Mwiku wa Linanga yiwambila Filipe ngwenyi. “Kundama ku temba lino.”

Yilinga 8:31

Neye ngwenyi: “Ngwe kuchi munguhasa, nyi kukushi yoze mangulumbunwina yo?” Yaliumba kuli Filipe anyine atwame nenyi.

Yilinga 8:5

Filipe yaya ku limbo lia mu Samaria, yambujola Sango ja Chilamwina yoze Zambi alakenyene.

1 Korintu 14:19

Alioze mu yilemba ya mu Chikungulwila, ngunazange kuhiana kuhanjika maliji atano ashi ha kulongesa atu akwo, kuhiana kuhanjika tununu ni tununu a maliji waze atu kaanyingikine.

Efesu 5:17

Kanda nubwa yihepuke, alioze esekenu kunyingika chize Mwene Yesu anazange nulinge.

Usolwelo 13:18

Ha kunyingika chikuma chino, chatamba kubwa ni mana. Yoze uli ni malinjekela mahasa kunyingika ulumbunwiso wa kwalula ngongo yoze, mumu kwalula chize chinalite ni jina lia mutu. Kwalula cha mutu yoze chili kulakaji jisambano ni makumi asambano ni yisambano.