Yilinga 8:24 - Mukanda Wa Zambi 1970

²⁴ Simone yamba ngwenyi: “Ngulembelenu kama Mwene Zambi, hanga yuma yize hinwamba kanda yinguwana kama chibwe hakepe.”

MUKANDA USANDU WA ZAMBI 1975

²⁴ Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

Yilinga 8:24 Iomraidhean Croise

Ubutukilo 20:17

Mapwo eswe waze abwile mu zuwo lia Abimeleke, Mwene Zambi yaapwisa miumba mumu ha Chuma chize chabwile hali Sara, pwo lia Abrahama. Kashika Abrahama yalembela Abimeleke Zambi. Zambi yawuka Abimeleke, yawuka nawa pwo lienyi ni ndungo jenyi a mapwo. Mba yaabutula nawa kusema ana.

Ubutukilo 20:7

Haliabwila hilwisa pwo yono kuli mukwo lunga. Kali mukwa munanyi, makulembela Zambi, ha chino kuuchi kufwa. Alioze, nyi kuuchi kumuhilwisa nyingika kwe ngwe, kumuufwa, yena ni vungu lie lieswe.”

1 Yitanga Ya Mianangana 13:6

Mwanangana yambila mukwa munanyi ngwenyi: “Liumbe kuli Mwene Zambi, Zambi ye, awuke kama kwoko liami.” Mukwa munanyi yaliumba kuli Mwene Zambi, mba kwoko yilibwa lingunu.

Ezra 6:10

Yino ye chatamba kulinga mba hanga ahase kulambula milambu yize Zambi wa Mwilu mahasa kutambula ni kulemba hanga anguwahise kama yami ni ana jami.

Ezra 8:23

Kashika twalitwaminyine kulia, yitulemba, hanga Zambi atufunge. Neye yevwa kulemba chetu.

Jobe 42:8

Haliabwila yeenu nwande kuji a ngombe shimbiali ni kuji a mapanga shimbiali, nwize no kuli Jobe, nwalambule mulambu mumu hali yenwene. Jobe manulembela, mba mungwivwa kulemba chenyi, chichi kunuvwsia sonyi ngwe chatamba. Te kunushi kuhanjika umwenemwene hakutwala kuli yami ngwe chize anakahanjika Jobe.”

Kutuhuka 10:17

Nalemba, ngukonekenenu kama chisuho chino wika. Liumbenu kuli Mwene Zambi, Zambi yenu, hanga achize kama lamba lino lia kufwa.”

Kutuhuka 12:32

Nwanda mapanga, ni pembe, ni ngombe jenu, yeenu kwenu. Ni yami ngulembelenu nawa hanga Zambi anguwahise.”

Kutuhuka 8:8

Mwanangana yatambika Mose ni Arone ngwenyi: “Liumbenu kuli Mwene Zambi atuchijile kama yula ya mbwota wano, mba mungwecha atu jenu hanga aye kwo, akalambule Mwene Zambi mulambu.”

Jeremia 37:3

Mwanangana Zedekia yatuma Jukale, mwana wa Shelemia, ni hako Zefania, mwana wa Maseya, anguhule ngulembe kuli Mwene Zambi, Zambi yetu, hakutwala ku vungu lietu.

Jeremia 42:2

yaamba ngwo: “Twalemba mwane, tulingile kama chize tunambe! Tulembele kama Mwene Zambi, Zambi yetu, eswe waze twasala ni mwono. Twabwile anji, alioze haliabwila hitwasala akepe wika, ngwe chize unalimwena.

Kwalula 21:7

Atu yeeza kuli Mose, yaamba ngwo: “Mala! Hitwavulumuna, hitwalimika ni Zambi ni yena Mose. Haliabwila lemba kuli Mwene Zambi achize tupela wano.” Mose yalembela atu Zambi,

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.

1 Samuel 12:19

Atu eswe yaambila Samuel ngwo: “Mwata tulembelenu kuli Mwene Zambi, Zambi yenu, kanda tufwa kama Hitwanyingika ngwetu, hitwaliwezela yibi yikwo muze hitweta mwanangana.”

1 Samuel 12:23

Chikwo nawa, chichi kulitwamina nichimwe kunulembela Zambi. Nyi nalitwamina kulemba munguvulumuna. Mungunulongesa yuma yibema ya ululi.