Yilinga 8:22 - Mukanda Wa Zambi 1970

²² Lemba Mwene Zambi, nyi muchilita, akukonekene kama nyonga lia mbunge ye.

MUKANDA USANDU WA ZAMBI 1975

²² Likonyeke kashika ha uno uhuka we, uliumbe kuli Mwene kachi makukonekena kama chitaka cha mbunge ye.

Yilinga 8:22 Iomraidhean Croise

Yishima 24:9

Manyonga ja chihepuke kali abi. Atu kaakuvutwokela mutu yoze wakusaula atu akwo.

Daniel 4:27

Vulie mwanangana! Banjikenu maliji jami. Litwaminenu kuvulumuna, nulinge yize yinalite, nwivwile yiswale keke, mba tangwa likwo munuwaha.”

Amose 5:15

Vutwokelenu yibi, zangenu yibema, kolesenu ubatwilo wa ululi mu yota. Hanji Mwene Zambi Mukwa Ndundo Jeswe mevwila keke masalila a chifuchi chino.

Amose 5:6

Yeenu kuli Mwene Zambi, mba munubwa ni mwono. Nyi ka, makaholoka ngwe kahia hali Aisraele. Kahia kaze mukakocha atu ja mu Betele; niumwe kechi kakajima.

Yona 1:6

Mwata wa ulungu yamuwana, yamwamba ngwenyi: “Mukwetu, mumu yika yena unabombo? Hinduka ulembe kuli Zambi ye hanga atukwase. Hanji matuvwila kama keke, atulamwine.”

Yona 3:9

Iya Unanyingika, hanji Zambi malumuna manyonga jenyi, ni kwecha kutenuka, hanga kutuchi kukuwa!”

Yilinga 17:30

Zambi keshi kwalula miaka ya kwalajala, alioze haliabwila kakwambila atu eswe a kuma kweswe alumuke ku mbunge.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,

Yilinga 8:20

Alioze Petulu ngwenyi: “Fwako hamwe ni mbongo je, mumu hiwanyonga kuzuka chawana cha Zambi ni mbongo.

Yilinga 9:11

Mwene ngwenyi: “Katuka, uye mu jila yize akuvuluka ngwo, Jila Yalulama. Yako ku zuwo lia umwe mutu, jina lienyi Yuda. Uhule mutu wa ku Tarsu, jina lienyi Saulu—kanalembe.

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

Hebreu 4:12

Mumu liji lia Zambi mwono likwete, ni liakulinga matangwa eswe. Kuliambuka kuhiana mukwale. Kuliakuheta ndoo haze halitakanyina mwono ni mwiku, ni ndoo haze halitakanyina makonekeno ni usongosongo. Kuliakubatula usolo ni manyonga a mu mbunge ja atu.

Usolwelo 2:21

Hingunamwehe shimbu ha kwalumuka ku mbunge, alioze kasolo kulitwamina utanji wenyi.