Yilinga 8:2 - Mukanda Wa Zambi 1970

² Amwe akwa kuwayila Zambi yaafunda Estevau (Etienne), yaamulila mbimbi chikolo.

MUKANDA USANDU WA ZAMBI 1975

² Akwa kuwayila afunjile Eshetevau, alilile mbimbi chikolo hali iye.

Yilinga 8:2 Iomraidhean Croise

Ubutukilo 23:2

mba yafwila mu limbo lia Hebrone mu chifuchi cha Kanana. Abrahama yalinyenga ni kulila pwo lienyi.

Ubutukilo 50:9

Matemba ni enya tuvwalu, no nawa yaaya hamwe ni Josefe; yaabwa mbunga yinene.

2 Samuel 3:31

Mba mwanangana David yambila mwata Joabe ni atu jenyi atanune mahina jo, azale mianji, hanga alile mwata Abnere. Muze te anayi ni kumufunda mwanangana David iye mwene yakaula kunyima lia muhango.

2 Sango Ja Mianangana 32:33

Hezekia yafwa, yaamufunda ku tunda mu mafuka ja mianangana. Atu eswe ja Yuda ni ja Yerusaleme yaamulemesa kuhiana ha kufwa chenyi. Mwanenyi Manase yamuhinga.

2 Sango Ja Mianangana 35:25

Mukwa munanyi Jeremia yatomba umwe mwaso wa lungungu mumu hali mwanangana Josia. Njimba mu Israele, malunga ni mapwo, kaali ni ndako ya kwimba mwaso uze muze akumulila. We mwaso uze kuuli mu mukanda wa lungungu.

Jeremia 22:10

Yenu Ayuda kanda nulila mwanangana Josia; kanda nunenganyana ha kufwa chenyi. Alioze yekenu mbimbi hali mwanenyi Joahaze; mumu haanamutwala kweka, kechi kahiluka nawa nichimwe, kechi kamona nawa chifuchi muze asemukinyine.

Jeremia 22:18

Kashika Mwene Zambi unahanjika hakutwala kuli mwanangana Jehoakime, mwana wa Josia ngwenyi: “Niumwe kechi kumulila muze hafwa nikwamba ngwenyi: ‘Mama lambe, mama sepa liamie, mama lambe!’ Niumwe kechi kulinyenga ngwenyi: ‘Mwene wami! Mama, mwanangana wamie!’

Kwalula 20:29

Akwa Chikungulwila eswe yeevwa ngwo, Arone hafwa. Yaamulila matangwa makumi atatu.

Marku 6:29

Muze tumbaji twa Yoano haachivwa, yeeza ni kwanda mujimba wenyi, yaaya ni kuufunda.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Yilinga 10:2

Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

Yilinga 2:5

Ku Yerusaleme te Ayuda atwama ko, akwa kuwayila Zambi waze akatukile ku yifuchi yeswe ya hashi.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

Yilinga 8:3

Alioze Saulu yeseka kwonona Chikungulwila, yanjila mu zuwo ni zuwo, yatuhwisa malunga ni mapwo haze, yaasa mu zuwo lia lamba.

Shimbi 34:8

Aisraele yaamulila matangwa makumi atatu mu yana ya Moabe.

1 Samuel 28:3

Hako Samuel te hanafu kulu, Aisraele haanamulili, haanamufundu mu Rama mu limbo lienyi mwene. Mwanangana Saulu te hanahumu kulu tahi eswe mu chifuchi.