Yilinga 8:14 - Mukanda Wa Zambi 1970

¹⁴ Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

MUKANDA USANDU WA ZAMBI 1975

¹⁴ Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

Yilinga 8:14 Iomraidhean Croise

1 Yitanga Ya Mianangana 13:32

Chamwenemwene maliji waze anakahanjika nikulita ni Shimbi ja Mwene Zambi yakutwala ku chilumbilo cha Betele ni yilumbilo yikwo ya mu yihunda ya Samaria maakamanunuka.”

Mateu 13:23

Atu akwo akutambula mbuto ha mavu abema. Kaakwivwa longeso, kaakulinyingika pundu, kaakwima mihuko, amwe kulakaji, akwo makumi asambano, akwo makumi atatu.”

Luka 22:8

Yesu yatuma Petulu ni Yoano ngwenyi: “Yeenu nutululikile yakulia ya kwiwuluka kubalika.”

Yoano 12:48

Yoze Wakungumona ni keshi kutayiza maliji jami, kali ni yoze mamuhisa. Liji lize nalongesele lie mulikamuhisa ha tangwa lia kusula.

Yilinga 11:1

Tunganda twa Yesu ni akwa kufuliela a mu Yerusaleme yeevwa ngwo, waze hi Ayuda ko nawa haatambula liji lia Zambi.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 17:11

Atu wano abemene kuhiana waze a ku Tesalonika, mumu atambwile maliji a Mwene Yesu ni mbunge yimuwika. Tangwa ha tangwa te kaakuhengula mu Mukanda wa Zambi, hanga amone nyi yuma yize analongesa Paulu yinalite,

Yilinga 2:41

Mba waze afulielele longeso lienyi, yaapapachisa. Ha tangwa lize tununu atatu yaalichinga no.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

1 Tesalonika 2:13

Kutushi kulitwamina kusakwilila Zambi ha chikuma chino nawa, ngwetu, muze twanwambujolele liji lia Zambi, nwalivwile ni nwalitambwile, hi ngwe liji lia mutu ko, alioze ngwe chize liabwa, lie liji lia Zambi. Lienalio liakulinga muli yenu akwa kufuliela.

1 Tesalonika 3:2

nikunutumina Timoteu, mukwetu yoze wakulinga milimo ya Zambi hamwe ni yetu—milimo ya kwambujola Sango Jibema hakutwala kuli Kristu. Yitunutumina ye mu kunutakamisa ni kunukolesa mu ufulielo wenu,

2 A-TESALONIKA 2:10

Makonga ni ndako jeka ni jeka atu waze maakatoka. Maakatoka mumu kaazangile ko umwenemwene uze te muwalamwina.