Yilinga 8:12 - Mukanda Wa Zambi 1970

¹² Alioze muze malunga ni mapwo haafuliela Sango Jibema jize alongesele Filipe, yaapapachisa. Te kanalongesa hakutwala ku Wanangana wa Zambi ni jina lia Yesu Kristu.

MUKANDA USANDU WA ZAMBI 1975

¹² Alioze muze afulielele Fwilipe ha kwambujola sango lipema lia kutwala ku wanangana wa Zambi ni jina lia Yesu Kristu, aapapachishile, ni malunga ni mapwo.

Yilinga 8:12 Iomraidhean Croise

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Luka 9:2

Mba yaatuma ni kwambujola sango ja Wanangana wa Zambi, ni kuwuka mieji.

Luka 9:60

Yesu ngwenyi: “Echele afu afunde afu jo ene. Alioze yena yako ni kwambujola Wanangana wa Zambi.”

Yilinga 1:3

Kulutwe lia kufwa chenyi, yaasolokela ni mwono ni yinyingi yinji matangwa makumi awana. Yaalongesa yikuma ya Wanangana wa Zambi.

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 19:5

Muze haachivwa, yaapapachisa mu jina lia Mwene Yesu.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 2:41

Mba waze afulielele longeso lienyi, yaapapachisa. Ha tangwa lize tununu atatu yaalichinga no.

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 20:25

“Hinabalika nikwambujola Wanangana wa Zambi hakachi ka yenu eswe. Alioze haliabwila ngunanyingika ngwami, kunuchi kangumona nawa.

Yilinga 28:31

yambujola Wanangana wa Zambi nikulongesa yikuma yakutwala kuli Mwene Yesu Kristu ni hamu heswe. Kukwabwile chikwiko nichimwe.

Yilinga 5:14

Kwoka cha waze afulielele Mwene Yesu, malunga ni mapwo, te chakuliweza tangwa ha tangwa.

Yilinga 8:4

Akwa kufuliela waze amwanganyine yaaya kweswe nikwambujola Sango Jibema.

A-ROMA 10:10

Mumu mutu kakufuliela mu mbunge yenyi, mba Zambi kakumupwisa mukwa ululi. Mutu kakutayiza ni kanwa lienyi, mba Zambi kakumulamwina.

1 Korintu 11:11

Alioze mu kuliendela chetu ni Mwene Yesu, pwo kahashile kubwa ukawenyi shina ni lunga, ni lunga kahashile kubwa ukawenyi shina ni pwo.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.