Yilinga 8:1 - Mukanda Wa Zambi 1970

¹ Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

MUKANDA USANDU WA ZAMBI 1975

¹ Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

Yilinga 8:1 Iomraidhean Croise

Nehemia 6:3

Yingwatumina tunganda, yingwalweza ngwami: “Mala, mulimo unene nguli nawo, chahashile kwiza. Milimo yeswe muyifwa nyi neza koko.”

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 6:23

Mwanangana yawahilila kuhiana, yahana Shimbi ngwenyi: “Chizenu Daniel mu wina.” No yaamuchiza mo, yaamona mujimba wenyi walambulambu weswe, tambwe kaamulemekene nichimwe, mumu Daniel yajikijila hali Zambi.

Mateu 22:6

akwo yaakwata tuvumbi twenyi, yaalamba, yaashiha.

Mateu 23:34

Kashika, talenu, mungunutumina akwa munanyi a Zambi, ni akwa mana, ni alongeshi a Shimbi. Munukashiha amwe, munukahachila akwo ha makulusu, munukalamba amwe ni fimbo (shikote) mu mazuwo jenu a kuwayila ni kwahungumiona ku limbo ni limbo.

Mateu 5:13

“Nuli ngwe mungwa wa akwa hashi. Alioze, nyi mungwa hiwasamuka, neka mauyemesa nawa? Kuwalitele nichimwe shina kuumwangina haze, akauliate.

Yoano 15:20

Iwulukenu maliji waze nanwambile ngwami: ‘Ndungo niumwe mahiana mwata wenyi.’ Nyi haananguhungumiona, ni yenu nawa maakanuhungumiona. Nyi haanonokena longeso liami, maakononokena nawa longeso lienu.

Yoano 16:2

Atu maakanukatwisa mu mazuwo jo a kuwayila. Tangwa mulikeza muze yoze makanushiha, makanyonga ngwenyi, kanalingila Zambi.

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 13:36

David yalinga milimo ya Zambi ku mwaka wenyi, yafwa, no yamufunda hakamwihi ni tushakulu twenyi, neye yabola.

Yilinga 2:47

yaachichimieka Zambi. Atu eswe yaasa vumbi. Tangwa ha tangwa Mwene yawezela ku mbunga yo waze te Zambi analamwina.

Yilinga 22:20

Muze ashihile Estevau, (Etienne), chela che, ni yami nawa kwe nabwile, nachitayijile, nafungile mahina ja waze amushihile.’

Yilinga 26:10

Chenacho nalingile mu Yerusaleme. Yingutambula chiyulo kuli mahako a lutwe a Zambi, mba yingusa akwa kufuliela anji mu zuwo lia lamba. Ni muze abatwile ha kwashiha, yinguchitayiza.

Yilinga 5:18

yaakwata tunganda, yaasa mu zuwo lia lamba.

Yilinga 5:20

“Yeenu numane mu zuwo lia Zambi nikulongesa atu eswe hakutwala ku mwono uze anehene Yesu.”

Yilinga 5:33

Muze Mbunga ya Ngaji ja Ayuda heevwa liji lino, yeevwa ufwatulo, yaatwama punga ya kwashiha.

Yilinga 5:40

Hohene yaatambika tunganda, yaalambisa, yaaha koki ngwo, kanda alongesa nawa mu jina lia Yesu. Mba yeecha kwo.

Yilinga 7:38

Mwenawo mwe wabwile mu Chikungulwila hamwe ni Aisraele mu puya. Iye kabwile hamwe ni tushakulu twetu ni hamwe ni kanganda ka mwilu yoze ahanjikile nenyi ha mulundu wa Sinai, iye watambwile maliji a mwono hanga akatwehe o.

Yilinga 7:54

Ha kwivwa maliji wano, Mbunga ya Ngaji ja Ayuda yaatenwoka, yaalicheka ku mazo.

Yilinga 7:58

yaamumbila haze lia limbo, yaabutuka kumwasa mawe hanga amushihe. Yela waze amwashile mawe yaanangika mahina jo ku molu ja mukweze umuwika jina lienyi Saulu.

Yilinga 8:14

Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

Yilinga 8:2

Amwe akwa kuwayila Zambi yaafunda Estevau (Etienne), yaamulila mbimbi chikolo.

Yilinga 8:4

Akwa kufuliela waze amwanganyine yaaya kweswe nikwambujola Sango Jibema.

Yilinga 8:5

Filipe yaya ku limbo lia mu Samaria, yambujola Sango ja Chilamwina yoze Zambi alakenyene.

Yilinga 9:31

Mba Chikungulwila cheswe mu Yudea, ni mu Galilea, ni mu Samaria yaabwa ni uhwimino, yeenda ni woma ku meso ja Mwene Yesu, yooka ku tachi ja Mwiku wa Linanga.

A-ROMA 1:32

Enoo kaananyingika kanawa ubatwilo wa ululi wa Zambi uze unambe ngwo: “Atu waze akulinga yuma ngwe yize kaanatela kufwa.” Hindu hi kuyilinga wika ko, alioze kaakutayiza atu waze akuyilinga.

Filipu 1:12

Akwetu, ngunazange nunyingike ngwami, lamba lize lianguwanyine liasenyesene Sango Jibema kulutwe.

Hebreu 11:27

Ku ufulielo Mose yakatuka mu chifuchi cha Egiptu. Kevwile ko woma wa mwanangana. Yanyongonona ngwe kanamono Zambi yoze te keshi kumoneka.