Yilinga 7:59 - Mukanda Wa Zambi 1970

⁵⁹ Muze te anamwase mawe, Estevau (Etienne) yakololoka ngwenyi: “Mwene Yesu, tambula kama mwono wami.”

MUKANDA USANDU WA ZAMBI 1975

⁵⁹ O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.

Yilinga 7:59 Iomraidhean Croise

1 Yitanga Ya Mianangana 21:13

Mba e malunga aali amokomoko yaanjila, yaatwama ku meso jenyi, yaamushindakenya ku meso ja atu ngwo: “Nabote hashililika Zambi ni mwanangana.” Mba yaamutuhwisa mu limbo, yaamushiha ni mawe.

Miaso (Masamu) 31:5

Ngunalikunjika mu moko je, Mwene Zambi, yena muungulamwina, mumu yena uli mukwa kushishika.

Longeshi 12:7

Mijimba yetu ya fufuta muyikahiluka ku mavu, ni mwiku wa mwono muukahiluka kuli Zambi, yoze watuhele wo.

Joele 2:32

Alioze eswe waze maakalemba Mwene Zambi, kumakaalamwina. Ngwe chize Mwene hanambe ngwenyi: ‘Amwe mukachi ka Yerusaleme kumaakachina; waze natongwele kumaasala ni mwono.’ ”

Luka 23:46

Yesu yakololoka chikolo ngwenyi: “Tata ngunakunjika mwono wami mu moko je!” Muze te hamba maliji wano, yasutula mwono wenyi.

Yilinga 2:21

Hohene mweswawo malemba ngwenyi, Mwene ungulamwine kama, mamulamwina.’

Yilinga 22:16

Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

Yilinga 9:14

Kezanga kuno ku Damasku ni chiyulo kuli mahako a lutwe cha kukwata eswe waze akufuliela jina lie.”

Yilinga 9:21

Eswe waze amuvwile, yaalishimwoka nikwamba ngwo: “Haa puu! Mutu awu hi yoze ko washihile mu Yerusaleme waze te akufuliela jina lia Yesu, nyi? Ni kuno kejile ko akaatwale a kukasa kuli mahako a lutwe, nyi?”

1 Korintu 1:2

Tunanumeneka akwa Chikungulwila cha Zambi mu limbo lia Korintu. Zambi hananutambika ha kubwa akwa kulinanga. Nwakuliendela hamwe nenyi mu kulinunga ni Kristu Yesu. Tunameneka nawa eswe a kuma kweswe waze akuwayila Zambi mu jina lia Mwene Yesu Kristu, Mwene wo kanda niwetu.

2 Timoteu 2:22

Ehuka usolo ubi wa ukweze, bwako ni ululi, ni ufulielo, ni zango, ni uhwimino, hamwe ni waze akulemba Mwene ni mbunge yibema.