Yilinga 7:5 - Mukanda Wa Zambi 1970

⁵ Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

MUKANDA USANDU WA ZAMBI 1975

⁵ alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Yilinga 7:5 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 13:15

Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 16:2

Mba Sarai yambila Abrama ngwenyi: “Unamono, Mwene Zambi kanguhele mwana niumwe. Yako ulimone kama ni ndungo yami yono, hanji matusemena kama mwana.” Abrama yachitayiza.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 23:4

“Hano nguli chilambala, nguli ngeji hakachi kenu. Nyi nunazange ngulanjisenu hamwe homa hanga ngufunde kama mufu wami.”

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Nehemia 9:8

Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

Ezekiel 33:24

“Mwana mutu, atu waze atwama mu membo waze haanenyeka chifuchi cha Israele kaanambe ngwo: ‘Abrahama te kali mutu umuwika lume, ya tambula chifuchi cheswe chamuwundu. Yetu tuli anji, kashika haliabwila chifuchi chili nichetu.’

Shimbi 10:11

Yangulweza ha kuya ni kunusongwela, hanga nukahinge chifuchi chize alakenyene kuli tushakulu twenu.”

Shimbi 11:9

ni kutwama matangwa anji mu chifuchi cha chinuno chize Mwene Zambi hanalakenya kuhana kuli tushakulu twenu ni ku mavungu jo.

Shimbi 2:5

alioze kuchatambile kwasa no jita, mumu chichi kunwaha chimwe Chipinji cha chifuchi cho. Chifuchi cha Edome hingunachihana kuli vungu lia Esau.

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.