Yilinga 7:49 - Mukanda Wa Zambi 1970

⁴⁹ ‘Lilu lili chitwamo chami, ni hashi he homa ha kunangika molu jami. Zuwo lika munukangutungila kama? Mulihi muma muze mungutwama?

MUKANDA USANDU WA ZAMBI 1975

⁴⁹ Ngunja yami lie lilu, ni hashi hanapu chitwamo cha yiliato yami: Zuwo lika mukangutungila? Chocho anambe Mwene ngwenyi: Hanji mulihi muma mwa uhwimino wami?

Yilinga 7:49 Iomraidhean Croise

1 Yitanga Ya Mianangana 22:19

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

1 Yitanga Ya Mianangana 8:27

“Alioze yena Zambi, kuma muuhasa kutwama hano hashi, nyi? Chibwe lilu Heswe kuliakutelele. Mba ngwe kuchi muuhasa kutwama mu zuwo lino hinakutungila?

2 Sango Ja Mianangana 6:18

“Alioze yena Zambi, kuma muuhasa kutwama hano hashi mukachi ka atu, nyi? Chibwe lilu heswe kuliakutelele. Mba ngwe kuchi muuhasa kutwama mu zuwo lino hinakutungila?

Miaso (Masamu) 11:4

Mwene Zambi kali mu zuwo lienyi lia chijila, kali ni chitwamo chenyi cha wanangana mwilu. Kakutala atu eswe, kananyingika yize akulinga.

Izaya 66:1

Mwene Zambi kanambe ngwenyi: “Lilu lili chitwamo chami, ni hashi he homa ha kunangika molu jami. Zuwo lika munukangutangila kama? Mulihi muma muze mungutwama?

Jeremia 23:24

Niumwe mahasa kuswama kuze Chishi kumona. Kunwanyingikine ngwenu, nguli kweswe, mwilu ni hashi, nyi?

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Mateu 23:22

Yoze malishinga ni lilu, kanalishingi ni chitwamo cha Zambi ni mwe Zambi yoze watwama ho.

Mateu 24:2

Mba Yesu yaamba ngwenyi: “Nunamono yeswe ayize? Chamwenemwene ngunanwambulwila ngwami, liwe nilimwe kulichi kasala liakunangika helu lia likwo, eswe kumaakabuzula”.

Yoano 4:21

Yesu ngwenyi: “Mama, ngufuliele ngwami, tangwa mulikeza lize kunuchi kawayila Tata ha mulundu uno hanji ku Yerusaleme.

Usolwelo 3:21

Yoze makumba mungukamutayiza kutwama hamwe ni yami ha chitwamo chami cha wanangana, ngwe chize yami hingunakumbu, ni hingunatwama ku sali lia Tata ha chitwamo chenyi.