Yilinga 7:42 - Mukanda Wa Zambi 1970

⁴² Alioze Zambi yoomba nyima, yaatayiza kuwayila matongonoshi a mwilu, ngwe hichinasonewa mu mukanda wa akwa munanyi ja Zambi ngwo: ‘Yenu Aisraele, yitapo ni milambu yize nwalambwile miaka makumi awana mu puya, kuli yami nwayilambwile, nyi?

MUKANDA USANDU WA ZAMBI 1975

⁴² Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo, Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?

Yilinga 7:42 Iomraidhean Croise

1 MIANANGANA 17:16

Yaakolema Shimbi jeswe ja Mwene Zambi, Zambi yo, yaafula makuji a ngombe aali akaawayile, yaafula nawa hamba wa pwo Ashera, yaawayila matongonoshi a mwilu, yaalingila zambi Bale.

1 MIANANGANA 21:3

Yatungulula yilumbilo ha milundu haze te atu akuwayila mazambi eka yize tato Hezekia abuzwile. Yatunga yilumbilo ya kuwayila zambi Bale, yalinga tuponya twa zambi wa pwo Ashera, ngwe chize alingile mwanangana wa Israele Ahabe. Manase yawayila nawa matongonoshi.

Miaso (Masamu) 95:10

Yingwevwila kubiha miaka makumi awana, yingwamba ngwami: ‘Haa! Atu wano kaali yihulia! Kaasolo kufunga Shimbi jami.’

Izaya 43:23

Kunwangunehenene ko milambu ya kwocha ya mapanga; kunwangulemesene ko ni milambu yenu. Chanuketekele ko kungunehena milambu ya mbuto, hanji kunukatalisa ni kunuhula mbuto ya vumba libema.

Izaya 63:10

alioze yaamukatukila, yeevwisa Mwiku wenyi chinyengo. Kashika Mwene Zambi yalumuka mukwa kole yo, yalimika no.

Izaya 66:4

Ha chino mungukaamwesa lamba, lize te akuvwila woma mumu niumwe kabanjikile ko muze nahanjikile, chibwe niumwe kakumbulwile ko muze naatambikile. Yaatongola kungukolema ni kulinga yibi.”

Jeremia 19:13

Mazuwo ja Yerusaleme ni ja Ayuda, ni mazuwo eswe haze akwochela yitumbo ya vumba libema ku matongonoshi ni haze akuzujila vinyu ya milambu kuli mazambi eka, ayo eswe kumaakabwa ngwe Tofete.”

Jeremia 8:2

Yifwaha yize keechi kayikunga ni kuyifunda, alioze muyikabwa ngwe pinga. Kumaakayimwanga kulutwe lia tangwa ni kakweji, ni matongonoshi, yuma yino te atu akuzanga kulingila, ni kuyivulwoka ni kuyikombelela.

Ezekiel 20:25

“Mba yingwaha yiyulo yize kuyabemene ni Shimbi jize kujahashile kupwisa atu ni mwono.

Ezekiel 20:39

Mwene Zambi kanambe ngwenyi: “Haliabwila, yenu Aisraele eswe, lingenu chize nunazange! Yeenu nulingile mahamba jenu! Alioze yami ngunanutoweza ngwami, kulutwe mungukanukoka kungwonokena ni kulitwamina kukolesa sonyi jina liami lia chijila ni kulambula yawana ku mahamba jenu.

Ezekiel 8:16

Mba yangutwala ku yiize ya muchima ya zuwo lia Zambi. Hehi ni lie zuwo lia kuwayila, mukachi ka chilumbilo ni jila kwabwile malunga makumi aali ni atano. Kaanombu manyima jo kwe ku zuwo lia kuwayila, kaanafukama ni kutalikisa ku chivumbuko, kaanawayila tangwa.

Hosea 4:17

Aisraele haanalinungu ni mahamba. Echenu kwo.

Yoano 6:45

Akwa munanyi a Zambi haanasoneka liji lino ngwo: ‘Zambi makalongesa atu eswe.’ Mutu mweswe mevwa liji lia Tata, ni matambula longeso lienyi kumeza kuli yami.

Yilinga 13:40

Kanyamenu kashika, kuchina chize ahanjikile akwa munanyi ja Zambi kanda chikeza hali yenu ngwo:

Yilinga 7:36

Mwenawo mwe watuhwishile nikulinga yipupu ni yilayi mu Egiptu, ni mu kalunga lwiji Muchila, ni mu puya miaka makumi awana.

Shimbi 17:3

ha kuwayila ni kulingila mazambi akwo, hanji tangwa, chibwe kakweji, hanji matongonoshi, havulumuna Shimbi ya Mwene Zambi.

Shimbi 4:19

Kanda akanweseka ha kuwayila Chuma chize nunamono mwilu: tangwa hanji kakweji, hanji matongonoshi. Mumu Mwene Zambi, Zambi yenu, hanahana yino yuma yeswe kuli mavungu akwo ha kuyiwayila.

Hebreu 3:9

Chibwe tushakulu twenu amwene chize te nakulinga kuze ha miaka makumi awana, hindu yaangweseka.