Yilinga 7:26 - Mukanda Wa Zambi 1970

²⁶ Mukwacha, Mose yamona Aisraele aali kaanalilambe. Neye yazanga kwakanda, ngwenyi: ‘Akwetu, nuli usoko, kuchi mba nunalilambe chichize?’

MUKANDA USANDU WA ZAMBI 1975

²⁶ Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?

Yilinga 7:26 Iomraidhean Croise

Ubutukilo 13:8

Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela.

Ubutukilo 45:24

Josefe yalishika ni ayayo ngwenyi: “Kanda nuzwela mu jila.”

Miaso (Masamu) 133:1

Cho kuwaha, cho kubema, nyi atu ja Zambi kaakutwama hamuwika ni kulivwa!

Yishima 18:19

Kwasa mukwenu, neye makufunga ngwe chipanga chakukoleka cha limbo, alioze nyi wamuzwelesa, neye makukalishila mbunge.

Mateu 14:22

Hazehene Yesu yanjisa tumbaji twenyi mu wato hanga atetekele musali lia chitende, shimbu iye mwene machishika ni mbunga.

Yilinga 7:25

Mose yanyonga ngwenyi, usoko wenyi maanyingika ngwo, Zambi maakula ni kwoko ha Mose, alioze ayo kaachinyingikine ko.

Filipu 2:1

Kuliendela chize nuli nacho ni Kristu, chakunutakamisa, nyi? Zango lienyi, liakunulembejeka, nyi? Nwakuliendela ni Mwiku wa Linanga, nyi? Nunalweze akwenu utu ni keke, nyi?

Filipu 2:3

Kanda nulinga nichimwe ni kulitachika, chibwe kulisuta, chibwe kulichichimieka. Alioze likehesenu ku meso ja akwenu; mutu mweswe anyonge ngwenyi, mukwetu kananguhiana.