Yilinga 7:25 - Mukanda Wa Zambi 1970

²⁵ Mose yanyonga ngwenyi, usoko wenyi maanyingika ngwo, Zambi maakula ni kwoko ha Mose, alioze ayo kaachinyingikine ko.

MUKANDA USANDU WA ZAMBI 1975

²⁵ Iye washinginyekene ngwe usoko wenyi manyingika ngwo, Zambi maalamwina ku kwoko Henyi; alioze kachinyingikine.

Yilinga 7:25 Iomraidhean Croise

1 MIANANGANA 5:1

Namane, mwata wa tujita twa Siria, te mukwa lufuma. Mwanangana wa Siria yamulemesa kuhiana, mumu Mwene Zambi yakwasa Asiria kukumba ni tachi ja Namane. Te kajita munene, alioze yamona lamba mumu ha musongo ukalu wa ha chikowa (hanji mbumba).

Miaso (Masamu) 106:7

Tushakulu twetu mu Egiptu kaanyingikine ko ulumbunwiso wa yikomokeso ya Zambi; yaavulama zango lize aalwezele yisuho yinji; mba ku kalunga lwiji Muchila yaakatukila Mwene Zambi, Mukwa Ndundo Jeswe.

Kutuhuka 2:12

Mose yatala sali ni sali, kamwene mutu niumwe, mba yashiha mwe mukwa Egiptu, yamuvumbika mu masekeseke.

Marku 9:32

Tumbaji keevwile ko kanawa ulumbunwiso wa liji lino, alioze yeevwa woma kumuhula.

Luka 18:34

Alioze tumbaji maliji wano ahanjikile Yesu kaanyingikine ko ni kaalumbunukinyine ko, yaayambashana.

Luka 9:45

Alioze liji lize kaalivwile kanawa. Yilihengama kuli ayo, hanga keechi kumwivwa kanawa. No yeevwa woma kumuhula chikuma chize.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 15:7

Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

Yilinga 21:19

Muze Paulu haameneka, yaambulwila mwazu yuma yeswe yize Zambi alingile hakachi ka waze hi Ayuda ko hakutwala ku milimo yenyi.

Yilinga 7:24

Yamona umwe Kaegiptu kanamwesa lamba umwe Kaisraele. Mose yakwasa Kaisraele ha kumukala, yashiha Kaegiptu.

Yilinga 7:26

Mukwacha, Mose yamona Aisraele aali kaanalilambe. Neye yazanga kwakanda, ngwenyi: ‘Akwetu, nuli usoko, kuchi mba nunalilambe chichize?’

A-ROMA 15:18

Mumu chichi kahamuka kuhanjika chimwe chuma shina chize Kristu wangutakamishine ha kukwasa waze hi Ayuda ko ha kwononokena Zambi. Kristu yachilinga ku maliji ni yitanga, ni ku tachi ja yilayi ni yikomokeso, ni ku ndundo ja Mwiku wa Linanga. Chenacho, nalumbunwine mwazu Sango Jibema hakutwala kuli Kristu. Nayile sali ni sali, chize ku limbo lia Yerusaleme ndoo ku chifuchi cha Iliriku.

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

1 Korintu 3:9

Mumu yetu twakulingila Zambi hamuwika, ni yenu nuli munda wa Zambi. Nawa, nuli zuwo lia Zambi.

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Kolosu 1:29

Ha kumanununa milimo yino, nakuhondangana ni kulitachika ni tachi jize akuhana Kristu, tachi jize jakulinga muli yami.

Akwa Kuyula 15:12

Yaamwamba ngwo: “Hitweza tukukase ni ngoji, tukukunjike mu moko jo.” Samsone ngwenyi: “Ngulakenyenu ngwenu, kunuchi kungushiha.”

1 Samuel 14:45

Alioze atu yaambila Saulu ngwo: “Kuma Jonatane afwe, nyi? Yoze halamwina Aisraele chichize? Hi chocho ko. Ni mwe Mwene Zambi, chibwe lukambu wa ku mutwe wenyi kechi kuholoka hashi, mumu halinga hamwe ni Zambi musono.” Chenacho atu alamwinyine Jonatane, kafwile ko.

1 Samuel 19:5

Hananjila mu utoji wa kufwa muze ashihile mwe Goliate mba Mwene Zambi yakwasa Aisraele kukumba kuhiana. Ni yenu nwachimwene, yinuwahilila. Mba kuchi munuvulumuna ni kushiha mutu yoze keshi chitela?”